إذا تحبيـني قلــبك شاريــني لا لا تخليــني ولا لحظــه ..! قصه تهببببببببببببببببل ...للكاتبة بيان حبك

صباح / مساء الورد
هذه أول مشاركه لي
حبيت أنقل لكم قصــه سعوديه عجبتــني كثييييييييييير .. وأتمنى تعجبــكم ^_*
القصــه للكاتبــه .. (( بيـــان حبــــك ))
وهي وصلت للجزء الواحد والثلاثون.........
بنزل لكم أول اربع أجزاء وبنزل الباقي لو شفت تفاعل

شخصيــات القصــه مجرد اسماء ..
وراح تقدرون تعرفون شخصية كل شخص من خلال الأحداث ..
\
عائلة بو متعب /
ابو متعب : (( محمد )) كبير العائلة
ام متعب : (( جواهر ))
متعب : 34 سنــه - متزوج بنت عمه روابي وعندهم (( نايف )) اربع سنوات و (( نوف )) سنه
فهد : 30 سنــه
فيصل : 27 سنه
مــرام : 24 سنــه
ساره : 19 سنـه
فارس : 13 سنـه
ريم : 10 سنوات
\
عائلة بو وليـد /
ابو وليد : (( ضاري )) اخو بو متعب
ام وليـد : (( رغد ))
وليــد : 29 سنــه
خالد : 27 سنه
روابي : 24 سنه – متزوجه متعب
اسيل : 19 سنــه
طارق : 15 سنه
\
عائلة بو حمد /
بو حمد (( احمد )) : اخو بو متعب وبو وليـد
ام حمد (( وفاء )) : اخت ام متعب
حمد : 29 سنـه
سطام : 27 سنـه
مشاري : 25 سنـه
حلا : 25 سنـه – متزوجه ولد خالها ثامر وعندهم (( سعود )) خمس سنوات
ضي : 20 سنـه
بيان : 18 سنــه
\
عائلة بو ثامر /
بو ثامر (( صالح )) : اخو ام حمد وام متعب
ام ثامر (( ندى ))
ثامر : 32 سنـه متزوج حلا
زياد : 28 سنـه
تهاني : 20 سنـه
غلا : 18 سنــه
ريان : 15 سنـه
ريهام : 11 سنه

وفيــه شخصيات طبعاً بالقصه راح تظهر مع الأحادث ومااخفي ان لهم دور وبطوله بالقصه مره (( كبيــر ))

>> الجـــــــزء الأول <<
يوم الثلاثاء في بيت (( بو متعب )) /
كان صوت اغنية تنحط ع الجرح يبرى لراشد الماجد مرتفع لأعلى شيء في الأستريو ..
طلعت ام متعب من المطبخ وهي مفتحه عيونها لاخر شيء / وش فيييكم بسم الله ..؟ ليه مطولين على الاغنيه كذا ..؟ الله يتوب علينا يارب
جاها ولدها يركض ووراه تركض اخته
فارس/ يمه يمه شوووفي ساره ذبحتني كفوف من اليوم
ساره / يمه اتركيه عنك يكذب .. كل دقيقه احط السماعات في اذاني ويجي يشيلهم ويخلي الصوووت يهز البيت هز
ام متعب / وطيب انتي ليه تطولين عليه كذا تبين تفجرين اذانك ..؟
ساره بدلع / يممممممممه وش افجر اذاني عادي اقرا واسمع الأغنيه بس هذا فويرس جنني طلع الشيب براسي
فارس / روووحي بس مين الي متسبب وبادي مو قبل شوي خربتي علي البلاي ستيشن جايه تركضين وقطعتي السلك وراح كل تعبي للتوصيل في اللعبه ..؟
الام / وبعدين ..؟ ليه ماتتذابحوا قدامي ..؟ مو احسن
ساره خافت على امها / يمه قلبي لاتعصبين خلاص ولايهمك ماراح اتهاوش معه .. فويرس خلاص لاتعصب بأمـي يلا انقلع مناك
فارس / شفتي وش تقول انقلع هذا اسلوب ..؟
ام متعب / الله يهديكم يارب وخروا طيب
لفت ام متعب وراحت المطبخ وبس دخلت ..
مسكت ساره فارس من ثوبه / انت يالبزر تعلم كيف تحاكي الي اكبر منك مره ثانيه .. طيــب ..؟
فارس يحاول يهرب / اتركيني وجع سوير روحي قصري على الاغنيه بس روووووووووحي
ساره ترتكته وهي معصبه / ايه وربي علشان امي ولاكان كفختك يلا مناك
راحت ساره تسكر الاستريو وفارس راح يركض على الدرج ويصاارخ / سوير الدوووووووبه تحب المقلووووووووبه
ساره وهي تصاارخ من تحت / فااااااااااااارس وربي اذا ماسكت بجيلك فوق وبسطرك
فارس التفت وهو يركض بالدرج / ياهوووووو حاااولــــــــ ..
وماكمل جملته الا وهو صادم بشيء طويل وتوه بيطيح على ورا الا مسكه شخص
فارس وهو ماسك راسه / ااااااااي راسي فيصل الله يهديك ماتشوف
فيصل رافع حاجب / من الي مايشوف يلا مناك روح فوق
فارس / وش فيكم كلكم علي مناك مناك ..
فيصل وهو ينزل مو مهتم فيه / لانك دوب ترفع الضغط
وقف فارس يطالع بأخوه وهو ينزل لما اختفى ..
فارس يكلم نفسه / وش فيهم علي كل ذا علشاني احلى منهم جسم ..؟
نزل راسه يناظر جسمه الي زاد خمس كيلو بهالأسبوع بس .. حط يده على بطنه (( وجع جوعوني هالخبلان ))
مشى قدام يبي يروح غرفته علشان ياكل شوكليت ووقف قدام غرفه .. تردد يطق الباب ولا ..؟ تراجع بآخر لحظه لف بيروح ..
بس الغرفه انفتحت ..
(( فروسي ..؟ ))
فارس لف متفاجىء ووجهه احمر ..
(( فارس تعال تعال حبيبي ))
\

تحت كان فيصل يسولف مع ساره
ساره / يعني قررتوا وين تروحون بكره ..؟
فيصل / ان شاء الله راح نرووح دبي ..
ساره / طيب ودوني معكم تعرفون اني اموووووووووووووووووووت بالامارات
فيصل / ادري انك تموتين فيها وان شاء الله تتزوجين وتروحين هناك وتفكينا من خشتك بس وش اسوي سطام بيروح معنا مايصلح ناخذك معنا
ساره / قال ايه يفتك من خشتي اساسا لو اغيب عنكم دقايق ساره ساره .. اجل وش تسون لو اروح الامارات
فيصل بنعومه / نموت
ساره تمسك المخده وترميها عليه / يعرف يــرقعها المهم انا ماعلي من سطام وبعدين هو ولد عمي عادي مافيها شيء
فيصل / لا والله ..؟
ساره / أي والله .. يعني بس انت وفهد تروحون وانا انطق هنا ..؟
فيصل / لاتنطقي اجلسي مع امي وابوي وجدتي واخواني وكلها الأربعاء والخميس والجمعه وراجعين لك ..
ساره / امي وابوي وجدتي موفاضين لي وريم وفارس بزارين وش اسوي فيهم و .. و .. ا (( سكتت تناظره )) انت خابر الي بقت وش فيها ..
ناظرها فيصل بأبتسامه حزينه ولمس كتفها بحنان / ساره انسي كلها كم يوم وربي يهديها وترجع مثل قبل وأحسن بعد ..
ساره تجمعت الدموع بعيونها / كم يوم وترجع ..؟ لها الحين شهرين وهي كذا وانتوا كل مره تقولون كم يوم وترجع ..
فيصل / ساره ..!! خلاص ادعـي ان ربي يهديها وبعدين كل شيء وله حدود ..
ساره ماقدرت تستحمل اكثر وحست ان دموعها تجمعت ..
انفتح باب الصاله ودخل منه بو متعب ..
بو متعب / السلام عليكم ..
ساره + فيصل / وعليكم السلام ياهلا والله ..
راحوا يحبوا راسـ الوالد وهو يناظرهم بحنان ..
بو متعب / وش اخباركم حبايبي اليوم ..؟
ساره / تماااااااااام بشوووووووووفتك يبــه
فيصل / الحمدلله يبه انت وش مسوي من طلعت الصبح ماجيـت
بو متعب وهو يجلس على الكنب ويتنهد / آآه والله ياولدي الشغل مايخلص وانا ابوك .. لازم احد يقابله وتعرف متعب تعبان من شغله هاليومين وماخذ اجازه عندنا ..
فيصل وهو يجلس جنب ابوه / افااا يبــه وين رحنا انا وفهد ..؟
بو متعبت يلتفت على فيصل ويبتسم / انتوا فيكم الخير والبركه .. بس تعرف فهد وشغله الي مايلخص .. وانت ياولدي مو مقصر بس ماراح تعرف بأمور شغلنا المعقده ..
فيصل يعني انه زعلان .. عقد يدينه على صدره وكشر / اجل انا مااعرف يبه .. فهيد وميتو اذكى مني
ساره وهي تستمع لهم بصمت جاتها الضحكه من حركة فيصل / ههههههههههههههه
بو متعب / هههههههههه لا مو اذكى منك ياولدي بس انت ماتعلمت عليـه لو تعلمت مثلهم كان عرفت قبلهم
فيصل يعدل جلسته ويبتسم / اييييه زين الحين ارتحت
ابتسم بو متعب لولده ولف يناظر ساره الي وجهها حمر على طول بطبيعتها الحيويه ..
بو متعب / اقول فيصل مو كن ساره محلوه اليوم
فيصل بدفاشه / لامحلوه ولاان يحزنون
ساره عصبت وهي مستحيه / لاوالله احلللللللللللف اجل انت الي محلو كل يوم تشين
فيصل يعدل شماغه بغرور / ايه حاصله لك حلاوتي ..
ساره حطت يدينها على خصرها / لاوالله خل حلاوتك لك
قام بو متعب وهو يضحك على عياله الي كل واحد اهبل من الثاني مع ان عمرهم كبيــر / الله يهديكم يارب .. على ماتتهاوشوا اروح اريح ..
فيصل / هههههههههههه استغل الوضع بو متعب
ساره بدلع / فديت البابا والله .. دوووم مرتاح يارب ..
فيصل يناظرها بتكشيره / ترى مايناسب الدلع وبابا وماادري وش
ساره / ماراح ارد انننننننن
بو متعب / هههههههه والله لو اجلس انتظركم تخلصون ماخلصتوا .. يالله مع السلامه ..
ساره وفيصل / الله معك
فيصل وهو يقوم من الكنب / يالله انا استأذن بعد وراي مشوار ..
ساره / يوووووووه تو الساعه تسعه اجلس مابعد نكمل هوشتنا ..
فيصل يناظرها على جنب / خليها بعدين نكملها (( وقف لحظات .. بعدين كمل )) ولاااقولك عندي اقترااح (( وبتطنز )) خلي فهد يتهاوش معك ولا ولد عمي وليد ..
ساره فتحت عيونها لحظات بعدين استوعبت الي قاله / ههههههههههههههههههههههههههههههههههههههههههههههههه والللللللللللله فلــــــــــــه علشان يعطوني كفوف توديني في ستين داهيه .. ذولا ثقال دم مايعرفوا المزح
فيصل فيه الضحكه / ايه عرفي قدري يالله سلاام
ساره / الله معك خيوووووووووووو
ناظرته ساره وهو يطلع وتنهدت .. (( آآآآه فدييييت وليد والله وثقالة دمه )) ..
قامت وراحت فوق غرفتها ..
\

بنفس الوقت في بيت (( بو ثامر )) /
وقفت ام ثامر عند الدرج ونادت / يمــــه تهااااااني يمـــه تعالي ضي تبيك على التلفون ..
نزلت غلااا بسررعه وهي تخطر درجتين درجتين ..
غلا / مازالت على الخط ..؟
ام ثامر تناظر لبسها / ايه بس هي تبي تهاني ماتبيك ..
ضحكت غلا على نظرات امها / ههههههه ادري بس تهاني تاخذ دُش الحين وانا بكلمها ..
ام ثامر / طيب وش ذا اللبس الي لابسه ..؟
غلا ببرائه تناظر لبسها / وش فيه ..؟
ام ثامر / وش فيه ..؟ وش يعني وش فيه لو مالبستي شيء احسن قصير ومشقق ..
غلا ماتت ضحك على امها / ههههههههههههه الله يهديك ياأمي هذا يسمى برمودا ومشقق لأن هذا الموضه ..
ام ثامر عصبت / لا ؟ اجل هذه الموضه ؟ والله شكلهم بالنهايه بيسوون اوراق شجر ويقولون لكم البسوهم هذه الموضه وانتوا بتصدقون ..
غلا / هههههههههههههههههههههههههههههه فديتك يمه .. (( حبت راسها تراضيها وكملت )) بروح اكلم ضي لا تعصب علينا هههههه
ام ثامر / يوووه نسينا البنت روحي ..
راحت غلا وخذت السماعه / هالووو جيرل ..
ضي بصووت يبين انها معصبه / وعليكم السلام ورحمة الله وبركاته ..
غلا مسكت ضحكتها / هاو آر يو ..؟
ضي / والله يوم شفتك نوت فاين ثانكيو ..
غلا / ههههههههههه عربي مخلوط بأنجليزي .. انا الحمدلله تمام اسأل عنك ..
ضي / ماسألتك عن حالك وين تهاني ؟
غلا مسويه انها زعلت / افااا طيب طيب مشكووره هذا جزاي جايه اركض من فوق يوم شفت تهاني تتروش يالله بااي بقولها انك اتصلتي فيها
ضي / لحظه لحظه يمه كلتني هههههههه ياعمري انتي كنت معصبه لأنكم خليتوني ساعه احسبكم تسولفون ..
غلا ببرائه / لا ماسولفنا ابدن ابدن
ضي / ابدن ابدن اجل خخخخخخ وينكم يومين ماشفتكم لاتقولون دراسه وربي ماراح اصدقكم لو تجيبون نسبه كامله ..
غلا / هههههههههه لاننا ماارح نجيب اساسا .. بس وربي هذا انا اذاكر 24 ساعه تهاني هي الي ولافتحت شيء دايم على النت ..
ضي عصبت / ايه اعرفها الدوووبه القليلة الأدب ماتصلت علي يومين وبالنهايه صاكتني بلوك ..
غلا / ههههههههههه من صدقك ..؟ استحاله تسويها يمكن ماتدخل ماسنجر ..
ضي / لا اعرفها تدخل بس العله عله ..
غلا / خخخخخخ تأثرتي ببيان يالأخت ..
ضي / ايه والله ياحبي لها اختي اسبوع ماشفتها مسكينه مع هالثانويه العامه ..
غلا / لا والله يعني انا مو ياحبي لك وماكني معها بالصف جنبا الى جنب ..
ضي / ههههههههههه الا بس انتي كسلانه هي ماشاء الله من فتحت المدرسه وهي تذاكر .. نادر نشوفها
غلا / تكفييييييييييين تذاكر وربي انها دايم على ام بي سي تو .. تعلميني فيها
ضي / عاد هذا اكيد استحاله تعيش بدون هالتوو معروفه بيان .. بس عندها تلفزيون بغرفتها يعني مانشوفها حتى وهي بوقت الراحه
سمعت ضي صوت وراها فـ لفت تناظر ..
شافت سعود داخل يركض وهو يضحك ومشاري وراه يركض يبي يمسكه ..
سعود / خالتووووووووووووووووو خالتوووووووووو ساعديني
حطت ضي السماعه عشوائيا ونزلت بنفسها شوي وفتحت يديها وضمته بسرعه وهي تضحك ..
وقفت / هههههههههه سعووودي اشتقت لك كثيييييييييير دلبووو ..
سعود حاط صبعه بفمه وهو يضحك / هههههههه انا بعد بس خالوو مشاري يبي يعضني .. (( ويأشر على مشاري الي يبتسم ويعدل شماغه وهو يقترب منهم ))
مشاري / مساء الخير للحلوين جنني ولد اختك لما حسيت ان الشيب طلع فيني
ضي / مساء الورد هههههههه وربي انه يجنن بس مايطلع الشيب
سعوده يصفق / الشيب بجدووو
مشاري / ههههههههههه اي جد تقصد ابو امك ولاابو ابوك هههههههه
سعود / لا جدوو بابا ماما
ضي / ليه ينتابني احساس انه هندي خخخخخ
مشاري مات ضحك على اخته / هههههههههههه حلو ينتابني شكلها متعوب عليها
ضي شهقت وحطت سعود بالأرض ولفت تاخذ السماعه
ضي / ا .. الو
غلا / لا تو الناس كملي سوالف وخلي الشعور ينتابك عدل
ضي حطت يدها على فمها / هههههههه يالبى قلبك وربي هالسعود ياخذ قلبي
مشاري من وراها / مين قريدة الحظ الي نسيتيها ههههههه
ضي تأشر بيدها يسكت / هههه هذا اخوي مشاري ههههه
غلا تقلدها / ههههه .. هههه .. هههههه .. تذكريني بليلى اذا جات تضحك
ضي عصبت / وجعووووووه ماشبهتيني الا بالنسره الي معاكم بالفصل
غلا / ههههههههههه علمتك عنها بيان
ضي / اي وشفتها بعد يوم رحت مدرستكم بحفل التخرج ..
غلا / وربي ترفع الضغط مع غرورها
مشاري ياخذ السماعه / اقول بلا حش بالبنت استحوا على وجهكم
غلا استحت / ضي ؟
مشاري يستهبل / ياروح ضي ..
ضي تسحب التلفون وهي معصبه / مشاري استح على وجهك شوي .. هذه مو من بناتك .. بنت عمك
مشاري يبتسم بأستهزاء / لا من بناتي متى تزوجت انا الله يخلف
ضي / هـ هـ هـ بايخ .. غلاا سوري حبيبتي .. الجرئه زادت بأخوي شوي ..
غلا ومازالت مستحيه / لا عادي اعرفه انا يالله اجل ضي بقول لتهاني تتصل عليك وراي مذاكره ياقلبي ..
ضي / اوكي مااعطلك ذاكري زين .. وقولي لتهاني اني بوريها شغلها لو شفتها ..
غلا / هههههههه ان شاء الله مع السلامه ..
ضي / مع السلامه ..
حطت ضي السماعه وناظرت اخوها الي ماسك سعود ويقلب بالريموت...

ضي / ياسلااااااااام متونس بعد .. فشلتني مع البنت ..
مشاري مو مهتم / تكفيييين تراها بنت عمك يعني انتوا دايم تتهاوشن ماصار الا اليوم فشلتك ..
ضي / حتى لو بنت عمي انت تعرف ان الكل يعرف انك مغزلنجي واخاف تفهم المزح غلط
مشاري يلتفت وهو يحط الريموت وسعود / هـ هـ هـ احلفي ياشيخه قال ايه مغزل نجي اقول خليني اروح فوق احسن ..
راح للمصعد وضغط عليه وقبل مايدخله التفت لضي / اتصلي على حلا وقولي لها ان سعود في بيتنا لأني خذته اوديه الملاهي وجبته هنا على الطريق ..
ضي ومازالت معصبه / ان شااء الله ..
التفت لسعود وجلست تلعب معه شوي .. بعدين خذت الجوال تتصل بحلا ..
حلا / هلا بقلبي هلا بحبي هلا بروحي هلا بكلي هلا بأهلي هلا بأختي
ضي / خلصتي ..؟ ممكن اتكلم
حلا / مالت عليك وعلى الي يدلعك بس طيري احسن لي ادلع زوجي وبس
ضي / وأحد قالك لاتدلعي زوجك دلعيه بس بعديني عن طريقك
حلا عارفه اختها ليه معصبه لأنها ماجاتهم من مده وضي ماعندها احد تسولف معه بيان كله تذاكر
/ يابعد روحي انتي وش ابعدك عن طريقي وانتي اختي الي مالي غنى عنها
ضي / ايه ايه وربي مصلحه علشان اسامحك ولا لااختك ولاان يحزنون
حلا / مالت عليك تبريتي مني يالعله
ضي ماتت ضحك / ههههههههههههههه ياحليلك يابيان مو بس أنا مأثرة فيني حتى انتي خخخخ
حلا / ايه ياعمري بيان .... الا على طاريها وش اخبارها مع المذاكره
ضي / هههههه تمام والله مسكره على نفسها .. بس لو تسمعك غلا تقولين ياعمري بتعصب بتقول انتوا بس تدلعونها وهي مسكينه دايم هوشه مع تهاني
حلا / ههههههه ياحليلها تهاني والله شفتها قبل امس بالراشد محمله السوق كله ..
ضي شهقت / ياقليلة الأدب انتي وياها ليه تروحون الراشد ولاتقولون لي ..؟ ولا مشكلتها غايبه لها يومين هالتهانوه
حلا / ههههههههه رايحين انا وثامر نتمشى ذبحنا سعود من الصيااح .. بس تهاني تشتري ملابس حق الجامعه وبنفس الوقت حق عزيمة عموو ضاري ولانسيتي ان وليد بيجي من السفر وبيسون له عزيمه ..
ضي / ووووووول تو الناس العزيمه اول العطله وباقي شهر تقريبا على العطله ..
حلا / ههههههههه تعرفين انتي تهاني عاد تتجهز قبل اي شيء مع ان ماباقي الا اسبوع على اختبارات الجامعه بس ولاهمها ..
ضي / لاتذكريني على الأختبارات مو فاهمه شيء بهالعنقليزي ..
حلا / خخخخخ عنقليزي ياحلوك بس .. مااحد قالك تخصصي انجليزي ... (( التفت وشافت ثامر داخل البيت )) .. ضي حبي سلمي على الكل وحبي لي بيوني ثامر رجع ..
ضي / وجع بس رجع بتسكر ..
حلا عصبت / قولي ماشاء الله لاتصكينا بعين ..
ضي / ههههههههه ماشاء الله يمه منك .. الا صح تذكرت ليه اتصلت فيك ..
حلا / تو الناس يوم جيت اسكر .. ليه ياحظي ..؟
ضي / سعوود ترى جابه مشاري بيتنا .. مروووه اذا تبونه ولا ارتاحوا اليوم منه خلوه ينام معي ..
حلا / يوووه الدبي مشاري قايله له يرجعه بس اعرفه كسوول .. خلااص خليه ينام عندك فكه منه اليوم
ضي بأبتسامه خبيثه / ايه فضى الجو لك ..
حلا وثامر يجلس جنبها ويبوسها على خدها / ياقليلة الأدب مع السلامه ثرثرتك ماتخلص
ضي حست ان ثامر جنبها / آآآه ياقلبي بس .. مع السلامه ياروح ثامر انتي
سكرت حلا بالقوه الجوال وحطته على الطاوله والتفت على ثامر تدفعه شوي بعيد عنها
/ هالبنت وربي افكارها غير طبيعيه ..
ثامر مبتسم / ليه ياروح ثامر انتي ..
حلا مستحيه / جالس تتجسس ..
ثامر / لا ياروحي بس صوت اختك يسمعه الجيران هههههه .. ايه صح مسااء الحب والأحساس والطيبه (( وطلع من جيبه ورده طايحه نص اوراقها وقام يناظرها مكشر )) يوووه وقته تطيح اورقك .. نسيت لااطلعها من جيبي وجلست عليها بالسياره (( وعطها حلا )) ورده للورد كله
خذت الورد وهي مبتسمه / مساء الحب حبي .. مشكوور على الورده (( وشمتها وهي مغمضه عيونها ))
ثامر يخزها / يعني وقت اغرائات ..
حلا فتحت عيونها لآخر شيء ورمت الورده وهي معصبه / افكارك غلط ..
بس قبل ماتروح مسك يدها بأبتسامه حلوه / افكاري غلط وسعود مش موجود وش ابي اكثر ..؟
^_^
\
يوم الأربعاء الساعه 8 الصباح (( في مدرسه اهليه بالخبر )) /
في فصل ثالث ثانوي علمي (( أ )) استاذة الرياضيات المصريه كانت جالسه تتناقش مع الطالبات عن الأختبارات ..
الأستاذه / بائي يابنات على الاختبارات اسبوعين وانتوا حتغيبوا من يوم السبت .. بس عارفين اش معناه دا ؟
لينا الي كانت جالسه قدام / معناته ان مافيه وقت نذاكر الا بالرياضيات المواد الثانيه كيفها .. ولازم نبدأ من اليوم
الأستاذه / شطوره يالينا يابت .. وكمان معناتو ان الي زاكر كويس من اول مافتحت المدرسه هو الي حينام مرتاح .. لأن الرياضيات عايز اسبوعين كاملين وبالموت حتخلصوه ..
غلا الي حاطه يدينها على خدودها بوضعيه تدل انها بتنام ولابمهمته بشيء / والله استاذه الي ذاكر والي ماذاكر نفس الشيء كلنا ماراح ننام مرتاحين مدام السالفه فيها اسئلة وزاره ..
الأستاذه وهي تطالع الطالبه الي كانت وسط غلا ولينا وكانت تحل مسأله بالكتاب / لا يا غلا ياحبيبتي الي زاكر مش حيلائي حاجه صعبه وحينام مرتاح كمان .. لان الوزاره مابتخرجش اسئلتها عن الكتاب .. ولا ايه يابيان .. انتي بتحلي ايه ..؟
رفعت بيان وجهها الدائري بهدوء وكانت خدودها من الخجل صايره ورديه وسط بياض بشرتها بلون بلوزة مريولها الورديه والي فوقها قميص كحلي ..
بيان بحياء / سوري استاذه ماسمعتك .. جالسه احل مسأله بالكتاب ..
الأستاذه بنظرات حنونه وهي تشوف وجه بيان الطفولي الي مايدل انها بثالث ثانوي وكأن عمرها 12 سنه تقريبا ..
/ بس ليه ماتخليش المسأله ياحبيبتي في البيت وهنا ركزي معانا كويس ..
بيان / بس استاذه ابي اشوف كاني اعرف احل ولاسألتك ..
غلا تناظر بيان على جنب ومازالت على وضعيتها / يعني لو ماعرفتي ماعندك اخوانك ولاخواتك يحلون لك ..
خزتها بيان وضربتها لينا بكوعها ..
الأستاذه / يابت ياغلا انتي شكلك بأيام الاختبارات كل يوم حتروحي البيت تبكي ..
غلا تعدلت وكنها معصبه / لا استاذه لاتفاولي (( وبثقه )) انا ذكيه مرررره لاتخافي
الأستاذه حطت يدينها على خصرها بحركه مضحكه / لا ياشيييييييييييييخه ..
الكل مات ضحك من كلمة الأستاذه الي تأثرت بكلام السعوديين لان لها 22 سنه تدرس بالسعوديه ..
\
في ساحة المدرسه بالفسحه /
بيان وهي تجلس على الكرسي وتحط اكلها على الطاوله / ياااااربي جاني صدااع اول حصه فيزياء وثاني وثالث حصه رياضيات .. والرابعه كيمياء حراام عليهم وش ذا اليوم يرحمونا ..
مريم الي جلست وجلسوا معها كل البنات / والله والي مايدري وين ربي حاطه طول الوقت انا نايمه وشيخه يقالها مركزه وهي ماتدري وين ربي حاطها ..
شيخه تخز مريم / تكلمي عن نفسك لاتدخليني بكلامك ..
غلا تناظر شيخه / لا والله صدق شيخه حتى انتي ماسمعنا صوتك طول الحصص ..
شيخه / وش اسوي على الأقل اسكت ولااتفلسف وانا ماادري وين ربي حاطني ..
لينا بنظره لغلا / ايه على الأقل انتي عرفتي ان مافيه فايده لو تكلمتي مو مثل بعض الناس خخخخ ..
غلا تخزها / وش قصدك هاه وش قصدك ..؟
البندري الي نطت من وراها وقالت / بوووووووووووه
البنات / بسم الله الرحمن الرحيم ..
البندري وهي تجلس / خير شايفين وحش ..؟
غلا / لا جني هع هع هع
البندري / بااااااايخه اي ماكملتي وش قصدها لينا ..
لينا / وجع لازم تذكرها .. برووح اشتري لي شيء آكله بس علشان اقدر اركز بالكيمياء
البندري / ووووووووع كيمياء ياعمري انتوا مساكين ..
بيان / تكفييين من زين التاريخ والجغرافيا ..
البندري / ذكرتيني بيان ابلة التاريخ اليوم معصبببببببببببببه تعرفين معنى معصبه لدرجه قالت بالطقاق الي يطقكم عساكم ماتنجحون ..
غلا / خيييييييييييييير ان شاء الله عسى رديتوا عليها ..
البندري / والله ولاهمتنا .. بس بيني وبينك حنا غلطانين هي تشرح وحنا وحده نايمه ووحده تسولف ووحده ترسم ووحده سرحانه ..
شيخه / ايه بس مالها حق تقولكم كذا ..
مريم / لو منكم عرفت كيف ارد عليها ..
بيان / لا وش ترد عليها لازم تحترمها ..
غلا تكش على بيان / مالت انطمي بس .. وحده تدعي عليهم يسكتون لها ..
البندري / عاد تكفون على غفله داعية زمانها على طول بيستجاب دُعائها ..
بيان / من يدري ؟؟
البنات / ههههههههههههههههههه
جات لينا وجلست تاكل وتناظر بـ دفتر الكيمياء قدامها / وش فيكم تضحكون ..
شيخه / ولاشيء كذا مزاج ..
غلا / الا بنات بتجون يوم السبت المدرسه ..
البنات مع بعض / لاااااااااا
غلا تروعت / بسم الله كلتوني اسأل بس ..
بيان / واضح الجواب وقت مذاكره ونجي المدرسه بعد .. (( وبتطنز )) الا اذا بتجين انتي ..؟
غلا / هـ هـ نضحك يعني نضحك ..
البنات / ايـــــــــــــه ضحكي ..
غلا / بســـــــم الله .......

بنفس الوقت (( وبجامعة الملك فيصل بالدمام )) وقت البريك /
اسيل وهي تحط كتبها على الطاوله بحركه عصبيه / اووووووووووووووف اووووووووووف اووووووووف زييييين ..
ساره / بسم الله عليك وش فيك ترى اليوم الأربعاء يعني عندك اجازه يومين ارتاحي فيهم ..
ضي وهي تجلس جنب ساره / وش ترتاح فيهم الله يخلف نسيتي الأختبارات ..؟
ساره / يووووه سكتي احاول اهديها وانتي تزيدينها ..
اسيل مازالت معصبه / انا خلااص مليت وين ايام المدرسه ياحلوها بس ..
تهاني تضحك بسخريه / هههههه الحين المدرسه ياحلوها والسنه الي فاتت ذابحينا انتي وساره ياحظكم بالجامعه ياحظكم ..
اسيل / وش درانا انها كذا قلنا سهله لا مذاكره ولاشرح نفس المدرسه ..
ساره اونها بتصيح / وبالنهايه طلعت الكلاسات تجيب الضغط والمراره .. تهىء تهىء
البنات / ههههههههههههههههه حلوه المراره ..
عبير جاتهم هي وشيماء من وراهم / هااااااي صبايا ..
البنات / هايات هلا والله ..
شيماء وهي تجلس / كيفكم شو مسوين ..
ساره / وش مسوين الله يخلف والأختبارات على ابوابها ..
عبير / ايه والله وربي احس اني ودي اصاارخ لما اشبع .. بس يلاا كل ماتذكرت عرس اخوي بالعطله اهون على نفسي ..
ضي ماده بوزها شبر / على الأقل اخوك بيعرس حنا على كبر عايلتنا ولا واحد بيتزوج لا بنت ولا ولد ..
شيماء / ايوا صح انتوا من زوجتوا روابي ومرام وحلا وقفتوا .. ناوين تعنسون خخخخخخخ
ساره الي من جابوا طاري مرام اختفت بسمتها وعيونها بان فيها الألم ..
الكل سكت والتفت على ساره ..
شيماء الي تذكرت قالت بسرعه بأرتباك / سووري قلبي ساره ماكنت اقصد اذكرك ..
ساره ابتسمت بحزن / لا عادي حبيبتي ماكنتي تقصدين ..
اسيل الي حبت تغير الجو / هههههههههه والله شكلنا مثل ماقالت بنعنس ..
تهاني / لا تونا صغاار اكبرنا انا ويا ضي تو عمرنا 20
ضي / خخخخخخ تكلمت تهاني يوم جبنا طاري العرس ولا طول الوقت ساكته ..
تهاني تضربها بـ شنطتها وضي نزلت راسها علشان ماتجيها الضربه / وجع ارد على اسيلوه ياغبيه ..
ضي بصوت خافت تناظر تهاني / علشان مره ثانيه ماتروحي الراشد ولاتوديني ..
عبير / ههههههههههههههه شكلها تذكرت الي خبري خبرك ضي ..
تهاني خزت عبير / وجعوووه ..
شيماء / حراام خجلتوا البنت ..
ساره / واخت الي خبري خبرك ساكته خخخخخخخ
اسيل / والله مو نفسي اسبب احراج (( وطلعت لسانها لهم )) ..
تهاني بخجل / يابعد قلبي انتي ..
ضي / مين تقصدين يابعد قلبي هي ولا .....
وقبل ماتكمل جاها من تهاني ضربه محترمه بالشنطه ..
ضي مغمضه عيونها / آآآآآآي وجع مافيه فايده الضربه جايتني جايتني ..
البنات / هههههههههههههههه
عبير / لا والله صدق بنات .. صحيح انكم توكم .. بس الأولاد كباار يعني خبري خوانكم بالثلاثينات وأواخر العشرينات ..
ضي / ايه والله وانتي صادقه عبير كباار مره .. بس عيالنا كل الي همهم الشغل مايفكرون بشيء ثاني ..
شيماء / عبير ناويه تاخذين منهم هههههههههههههاااي
عبير خزتها / كلن يرى الناس بعين طبعه ..
البنات / ههههههههههههههه
تهاني / بس تدرون السبب الرئيسي ليه شباب عايلتنا ماتزوجوا لحد الحين ..؟
عبير وشيماء / نعرف ..
ساره / ول كل شيء تعرفونه انتم ههههههه
اسيل / بيان تخلي شيء ماتقول لهم خخخخخخ
عبير / ايه اساسا معروف السبب كل عوايل البدوو معروفه ان البنات مالهم غير عيال عمهم وعمتهم ولا عيال خالهم و خالتهم
شيماء / تعطين كل الاحتمالات يالاخت خخخخخ
عبير / انطمي ..
اسيل / عليك نوووور .. وهي ينتظرونا لما نكبر .. بس مو لازم كلهم منا يعني لما نخلص يدورون من برى العايله خخخخ
ساره / وش ينتظرونا كبرنا حنا قولي الشباب كل همهم مثل ماقالت ضي الشغل وبس .. مايفكرون بالزواج ..
تهاني / لا تونا نكبر يعني اهلنا مايزوجوننا الا 18 و 19 و20 تقريبا ..
ضي / ومااافوق .. لا تحددين بس ذولا .. يعني اذا ماتزوجت هالسنه بتقولون عني معنسه ..؟
البنات / هههههههههههه
تهاني / لاتنسيني خخخخخ
ساره / لا انتي مضمونه ..
البنات / خخخخخخخ
تهاني وصل حدها / اوووووووه وجع خلااص استحي ترى ..
اسيل / مقطعك الحيا خخخخخ ..
تهاني / وجعووه حتى انتي ..
البنات / هههههههههههههههههههههههههههههههههههههههههههه
عبير/ بس يعني انتوا ضامنين ماراح تاخذون الا من العايله ..
ساره / لا كل شيء قسمه ونصيب اذا جانا نصيب ناخذهم ليش لا ..
اسيل / مااظن اهلنا يرضون ..
ضي / وليش لا ..؟
اسيل / ماادري كذا احس ..
ساره / يعني ضامنه انك بتاخذين من عيال عمك ..؟ اجل تجهزي واختاري خخخخخ
اسيل / مالت عليك مثل ماقلتي قسمه ونصيب ..
شيماء / الا وش اخبار بيوني مع الأختبارات ياقلبي كل مااتصل جوالها مغلق ..
ضي / والله مو مخوفها الا الرياضيات .. وتشوفينها تاركه كل شيء حتى الجوال ..
عبير/ حتى انا اتصل فيها ومغلق مع اني مشتاااقه لها ..
ساره تغمز / اكيييد بعد هي صديقتكم انتي وشيماء قبل ماتعرفونا هاه ..
عبير / لا حراام عليك مانقصد ..
شيماء / هالبنت تفهم غلط دايم ..
تهاني / لاتعطونها وجه ..
ساره ضربت تهاني على كتفها بالقوووه ..
تهاني / آآآآآآآآآي ..
ضي انبسطت / احسسسسسسن يوم لك ويوم عليك ..
عبير / يالله بناااات الكلاس بدا ..
البنات / اوووووووووووف ..
اسيل / ماراح نشبع ابد خخخخخ وبنفس الوقت ماكلنا شيء من السوالف ..
شيماء / ايوا والله نسينا نفسنا ..
ضي / خلاص مو وقت اكل .. وقولوا بس الله يوفقنا ويوفق خواتنا الي بثالث ثانوي ..
البنات / آآآآآآآآآآآآآآآآآآآآآمين ..
\
في بيت (( متعب )) الساعه 3 العصر /
روابي / ميتوووووووووووووووووو .. ميتو ميتو ميتو ميتو ميتو ..
متعب وهو يفتح عيونه بالغصب / هاااا نعم خير خليني نايم ..
روابي كشرت بوجهها ويدها مازالت على كتفه / لا والله نعم وخير بعد .. هذا جزااي اقومك للغداء ..
متعب رجع سكر عيونه / آآه سوري قلبي .. بس ماابي غدااء تعبان ..
روابي تهزه / وش تعباان لك ساعتين نايم من الساعه 1 بعد ماجيت من الدوام ..
متعب بصوت متقطع / ماااااا يــ ــ كـ فــي ..
روابي / وش الي مايكفي قوم تغداا وودني بيت اهلي مثل ماوعدتني ..
متعب جلس بالموت / آآآآه يارب طيب طيب دقايق البس وجاي ..
روابي / يالله بسرعه برد الغداء من الساعه 2 مطفيه عليه ..
متعب / طيييييييييييب روبي ..
روابي معصبه / لا تقوووولي روبي ..
متعب / طيب روووبه ..
روابي عصبت زياده / ولا رووووووووووبه ..
متعب وهو يوقف / طيب رقيه بس رووحي حطي الغداء على مااجي ..
خزته روابي / طيب ياسيد فتحي ..
راحت تركض تطلع من الغرفه لانها تدري متعب مايحب هالأسم لانه اسم الحارس المصري حق شقتهم ولساانه مره طويل ..
متعب التفت بسرعه وشافها تركض / طييييييييييب ياروووبي حسابك عندي ..
\
في بيت (( بو وليد )) الساعه 4 العصر /
طاارق وهو ينزل من الدرج / يمممممممممممه يمممممممممممممممممممممممممممممممممه
اسيل تناظره من الصاله / ومصمه ان شاء الله لاتصرخ امي بالمطبخ ..
طارق قرب منها وهو يخزها بقوه / مالك دخل بصرخ متى ماابي .. (( والتفت للجه الثانيه شاف خالد جالس يناظرهم مبتسم ))
طارق / هلا خلوودي اخوي هلا والله .. لي خمس ايام ماشفتك ..
راح سلم عليه وجلس جنبه ..
خالد / هلا بطروووقي بعد قلبي وش اسوي تعرف شغل الدكتور بعد .. انت اخباار الدراسه معك .. مستعد بتكبر وبتروح الثانويه من قدك ..
طارق بتملل / اوف لاتجيب لي طاري الدراسه الله ياخذها ..
خالد رافع حواجبه / لييييييه وين الشاطر صار كسلان ..؟
طارق / وثالث متوسط خلت فيها شطاره ..؟
اسيل / اعترف انك كسلان بدون لف ودوران ..
طارق / انتي ولاكلمه ..
اسيل شهقت / ياقليل الأدب استح على وجهك اكبر منك انا ..
خالد يناظره نظرات لوم / وش ذا الكلام طارق وش فيك كل هذا تأثير الدروس ..
طارق معصب ولاهامه / وش اسوي تنرفز الواحد كل ماشفتني لاازم تتسبب علي ..
خالد يناظر اسيل ويبتسم / وش تسوي المسكينه امي ماجابت لها الا اخت وحده وتزوجت ماعندها غيرك تحط حرتها فيك ..
اسيل / من زينه قليل الأدب ..
طارق يأشرعليها وهو يناظر اخوه / شفت شفت بنفسك ترفع الضغط غصب عن الواحد ..
خالد / هههههههههههههه ياحليلكم ..
اسيل / انطم وروح لأمي مو قبل شوي تبيها ..
طارق يمد لسانه / لا هونت عندك مانع ولاجالس على قلبي ..
اسيل / دخل لسانك اقول ايه عندي مانع وجالس على قلوبنا كلنا بعد ..
خالد / لا لاتدخلينا بالسالفه مو جالس على قلوبنا هذا آخر العنقود ..
اسيل تكشه / ماااااااالت عليه ..
طارق رجع طلع لسانه / وعليييييييييييييييييييييييييك
خالد / هههههههههه الحين من الي علمك تطلع لسانك اول مره اشوفك تسويها ..
التفت طارق له / هذه بنات عموو بيونه وسوير دايم يسوونها قلت اسويها مثلهم ..
اسيل / مع الخيل ياشقراء خخخخخخخ
طارق خزها ..
خالد / ههههههههههههه بزارين هالبنات ماكنهم بالجامعه ..
اسيل / خخخخخخ اي جامعه بيان توها بثالث ثانوي ..
خالد رفع حواجبه / من جدك مو هي اصغر من ضي بسنه ..؟
اسيل / نو نو بسنتين ..
خالد / اهاااا ..
انفتح باب الصاله ودخل ناايف يركض لعند خالد .. ووراه دخلت روابي وهي شايله نوف ..
روابي / السلاااااام عليكم ياقوووم ..
الكل / وعليكم السلام ..
خالد وهو يشيل نايف / ههههههههههه فديتك والله حبيبي مشتاااااااااق لك ..
نايف استحى ودفن وجهه بكتف خاله ..
روابي وهي تسلم على اسيل وطارق / هههههههههه شفت ولدي كيف حيوي ..
اسيل نقزت بوجهها / طالع علي ..
طارق يطالعها على جنب / كثري منها
اسيل / انت انطم ..
روابي / هههههههههه مازالوا يتهاوشون ..
خالد / ههههههههه على عادتهم .. الا وين متعب ..؟
روابي / مواعد صديقه ويخااف يتأخرعليه قالي اسلم عليكم ..
الكل / الله يسلمه ..
طلعت ام وليد من المطبخ / هلا والله ببنتي ..
راحت لها راوبي تركض وضمتها / هلا بالغاليه مشتااااااااااقه لك كثيييييييييير ..
ام وليد / وانا اكثر ياقلبي شخبارك وشلونك وشلون متعب والعيال ..
روابي / والله كلهم بخير ويسلم عليك متعب ..
ام وليد / الله يسلمه ياارب (( التفت ورى روابي وشافت خالد ينزل نايف ويجي نايف يركض لها )) هلا بولدي بعد قلبي ..
طارق اونه زعلان / صار الحين بعد قلبك الله لنا ..
الكل / ههههههههههه
نوف / تاتا .... تا ...... تاا
الكل التفت لها ..
خالد / اخييييييييييييييرا تكلمت حسبالي البنت طرمه ..
خزته روابي / اسم الله على بنتي .. بس لسا توها داخله السنه ..
راحت تاخذها من عند اسيل وضمتها / هذه تاتا شوفيها (( تأشر على امها ))
نزلت ام وليد نايف وخذت نوف / يابعد عمري انتي .. تجنن ماشاء الله تذكرني فيك وانتي صغيره ..
ابتست روابي بخجل .. ونايف يطالعهم معصب والكل يضحك عليه ..
طارق / لا تطلع عيونك اقول ..
الكل / ههههههههههه
اسيل / يابعد عمري انت تعال تعال برووح فوق العبك ..
نايف على طول جابت طاري العبك راح لها ..
اسيل / هذا الي فالح فيه اللعب ..
سمعوا صوت باب الصاله يفتح .. ودخل ابو وليد ..
بو وليد / السلام عليكم ..
الكل / وعليكم السلام ورحمة الله وبركاته
طارق / ذكرتوني بالمدرسه خخخخ
طقته اسيل من ورا راسه وراحت تسلم على ابوها ..
طارق وهو يلحقها يسلم على ابوه / مردوده اسيلوووه ..
بو وليد / شخباركم ياعيالي ..؟
روابي / بخير يبه بشووفتك ..
خالد / الحمدلله ابوي ماشيه امورنا ..
طارق واسيل يناظرون بعض بخز والتفتوا مع بعض / بخير يبه
ابوهم يضحك وهو يضم نايف الي تعلق فيه كالعاده / ههههههههه وش ذا النظرات ..
ام وليد / عارفهم بعد مازالوا صغاار هالثنين ..
طارق بفخر / لا انا رجاال ..
اسيل تكش عليه / تكفى يالرجاال ..
خالد يقاطعهم وهو يوقف / خلااص لاتطولونها .. يلا انا استأذن بروح اريح شوي .. (( وحب راس ابوه وامه ))
الكل / الله معك
راح خالد فوق واول مادخل غرفته على طووول رمى نفسه على السرير من التعب ..
آآآآآآه ياقلبي وش تسوين الحين ..؟ متى بتجي العطله وتخلصي دراستك واروح اخطبك رسمي ..
سكت شوي ..
ووقف بسرعه مرتبك ويمرر اصابعه على شعره القصير البني ..
بس ... بس .... بيخلينا ولا بينفذ الي قاله لي قبل سنه ..؟
لا لا استحاله يوقف بوجه اختــه .. مستحيل .. ياااربي اعوذ بالله من الشيطان ..
وينك ياوليـــد ؟ انت الي تفهمني ..
رجع انسدح واول ماحط راسه على المخده وغمض عيونه نـــام وهو يتحلم احلى احلام مع حبيبتـــه الي تمناها من هو الصغير ..
بس الزمن وش مخبي ..؟ هذا الي مايدري عنه خالد .......

>> الجـــــــزء الثــــــــاني

>> الجـــــــزء الثــــــــاني

>> الجـــــــزء الثــــــــاني <<
يوم الخميـــس بعد صلاة العشاء (( في بيت بو حمد )) /
تجمعوا كل العايله ينتظروا العشاء كالعاده ..
بو حمد / اجل مشى سطام مع فهد وفيصل دبي ..؟
حمد / ايه يبــه مشوا من امس الصباح ..
بو حمد / طيب وشغل فيصل وفهد ..؟ على الأقل سطام مدرس وهذه اجازته غاب يوم واحد بس مو مثلهم فيصل بالهاتف .. وفهد مدير شرطه ..!!
مشاري / اكيد يبه خذوا اجازه ..
ام حمد / ايه انا سمعت من ام متعب انهم ماخذين اجازه ..لمدة ثلاث ايام ..
ضي / على الأقل خذوا جو شوي مو مثلنا نفكر بالأختبارات ..
ام حمد / صلي على النبي ..
ضي / عليه الصلاة والسلام .. عيني مو حاره يمه ..
الكل / هههههههههههه
بيان نزلت من الدرج وطلت عليهم وهي مبتسمه من ديكور الصاله الي على شكل قوس / دوووم الضحكه يااارب بس كان انتظرتوني علشان تضحكوني معكم ..
بو حمد يرفع راسه يناظر بنته تناظر فيه / هههههههه هلا بـ حبيبة ابوها تعالي يمه لو ادري انك بتتكرمين اليوم وتتعشين معنى انتظرنا ماتكلمنا ..
ضي كشرت / اللـــــــــــــــــه لنا جات الأميره ..
بيان جات تركض ومثل الطفل طاحت بحضن ابوها ..
مشاري / بل بل بل بشوي شوي يابنت لاتذبحين ابوي ..
ام حمد / من ثقلها معصقله الاختبارات خلت فيها شيء ..
حمد / هههههههههههههههههههههههههههههههههههههههه معصقله هههههههههههههه وربي تجنن هالكلمه ..
التفتو عليه مستغربين من ضحكه وهو يمسح دموعه ..
بيان بدلع تناظر ابوها وهي مازالت جالسه بحضنه / يبــه ليكون حمد اخوي انهبل ..
بو حمد يبتسم / شكله ياروحي ..
ام حمد / خلاص نزلي من عند ابوك بيان .. ولاتدلعها زياده ياروحي وياحبي ماهي ناقصه دلع البيت كله مدلعها ..
مشاري / الوالده غيرانه ههههههههههههههههه
ضي / لا وربي صادقه الكل يدلعها (( وخزت بيان ))
بيان نزلت من حضن ابوها وجلست جنبه وحطت طرف صبعها بفمها كالعاده كنها بريئه / الحين ليه تخزيني وش ذنبي اني آخر العنقود ..؟
بو حمد / صدق وش ذنبها انها آخر العنقود .. ووش ذنبها انها طلعت تشبه امي ..؟
الكل / اوووووووووووووووووووووووووووووو
حمد / والله وجاء يوم تعترف انك تفضلها لسببين وليس لسبب واحد ههههههههه
ضي / الله على العربيه هههههههه
ام حمد / اساسا من اول ماجبتها وشافها تشبه الوالده الله يخليها على طول صار مدلعها ماتصيح الا هو بوجهها ..
مشاري / ايوا والله مااذكر طلبت شيء مالقته عندها اليوم الثاني .. اذا بغيت شيء انا اقول لها خخخخخ
بو حمد / لا ليه ..؟ حتى انت واخوانك قصرت معكم ..؟
مشاري قام وحب راس ابوه / لا والله الشاهد عمرك ماقصرت معنا بـ شيء لو طلبنا عيونك
الكل / اووووووووووووووووووو
بو حمد / متعلمين هالكلمه اشوفكم هههههههه ..
بيان / هههههههههه الا اقول يبـــه ..
بو حمد طالعها بحنية الدنيا كلها / سمي يمه ..
تغامزوا الي جالسين ولااهتمت منهم بيان ابتسمت / لاتنسى ابوي الخميس الجاي تجيب جدتي من بيت عمي محمد جلست عندهم شهر بالضبط والحين دورنا ..
بو حمد / هههههههههههه حاسبتهم بيان ..؟
ام حمد / لو تشوف الجدول الي عندها بالغرفه كل يوم يمر تأشر عليه علشان تعرف متى يجي دورنا بالضبط ههههههه
حمد / والله والضحيه جدتي كل شهر في بيت واحد ..
مشاري / ليه عادي ..؟ في بيتنا وبيت عمي محمد وعمي ضاري عندها غرفه خاصه وملابس مختلفين .. يعني كل الي عليها تلبس عباتها وتجي وملابسها موجوده في كل بيت ..
ضي / صادق مشاري .. وبعدين كل العايله متعلقين فيها وش الحل يعني ..؟ تجلس بيت عمي محمد لأنه كبير .. وانت تعرف ان ابوي وعمي ضاااري يموتون فيها ..
بو حمد / ايوا والله من يوم توفى ابوي قبل خمس سنوات .. وهي كل شهر ببيت احد علشان ترضي الجميع ..
ام حمد / بس انت تعرف انها تحبك انت اكثر لانك آخر العنقود ..
مشاري وهو يصفر / اكشششششششخ ابوي من قدك ..
بو حمد / هههههههههه تصدق مشاري الدنيا دواره .. امي حبتني لأني اشبه ابوها جدي الله يرحمه .. وحبتني لأني آخر العنقود بعد ماجابت عمك محمد وضاري وعمتك شجون الله يرحمها ماتت وعمرها 5 سنوات ..
الجميع / الله يرحمها ..
بو حمد يكمل وكنه يرجع للماضي ويعيشه بهـاللحظات / مع انها حبت الكل الا اني مميز بالنسبه لها وبالنسبه لجدي الله يرحمه .. ويوم كبرنا حبيناها كلنا بس انا كنت احن عليها وهي مايله لي اكثر .. وصارت آخر العنقود لي بيان تشبه امي كثير .. ومع اني احبكم كلكم وانتوا تعرفون (( وابتسم لهم )) ..
ابتسموا له يشجعونه انه يكمل وكأنهم يقولون عارفين يا الوالد ..
بو حمد / بس بيان كعادة اي اهل .. ملت لها انا وامي اكثر شوي لأنها آخر العنقود وفي نفس الوقت لانها تشبه الوالده .. وكأن الدنيا دارت وقالت أكرر القصه مرتين ههههههههه
الكل / هههههههههههه
بيان بثـــقه تناظر اخوانها / واكيد مثل ماابوي يحب جدتي اكثر انا بحب ابوي اكثر (( وطلعت لسانها لأخوانها )) ..
الكل مسك مخده ورموها عليها بنفس الوقت وهي اختبت ورا ابوها .. وبو حمد ميت من الضحك ..
بو حمد / لاتغارون احبكم كلكم مثل بعض .. بس تعرفون لوموا امكم لأنها ماجابتكم آخر شيء ههههههههه
ام حمد / بعد وش ذنبي انا ههههههههه
الكل / اووووووووووو
بيان / رجعنا على كلمتنا هههههههههه
حمد / المفروض يبه قلت لنا هالكلام وبيان مش موجوده .. الحين وش يفكنا من دلعها ..
ضي بحماس / والللللللللللللللللله انك صاااااااااااادق مليوووووووون مره الحين كل دقيقه بتقول لنا هالقصه ..
بيان مدت بوزها شبر / وش قصدكم انا مغروره ..؟
مشاري / حشــــــــــــــى ماقلنا كذا ..
الكل / ههههههههههه
ام حمد / يالله بقوم اخليهم يحطون العشاء سوالفكم ماتخلص الله يخليكم ..
مشاري يناظر فيها بخبث ويرفع حاجب / اقول يمه وش ذا الكشخه اليوم ..؟ محلوووووووووووووووه
ام حمد تعرف حركات ولدها / وش محلوه ..؟ هذا انا مثل كل يوم ..
حمد / لا وربي محلوه اليوم صدق وش صاير ..
فتحت ام حمد عيونها مو عادة حمد يقول كذا / ليكون عاداك اخوك ..
الكل / هههههههههههه
ضي / اليوووم ضحكنا ضحك الله يستر ..
بيان / لاتفااولين ..
بو حمد وعيونه مازالت على ام حمد / اقول ..
الكل / قول ..
بو حمد / صدق محلوه اليوم ام حمد ..
حمرت ام حمد ..
حمد / هههههههههه شوفوا اقول من طالعه عليه بيان خدودها كله محمره .. ناظروا خدود الوالده ..
ضربت ام حمد .. حمد على كتفه بشوي شوي وهو يضحك ..
بيان / اساسا امي توها صغيره يوم تجيبك كان عمرها 13 سنه صح امي ..؟
ام حمد تبتسم وكانت فعلا الي يشوفها يقول بكرها ضي توها صغيره / لا يوم اتزوج عمري 13 وجبت حمد عمري 14سنـه ..
بو حمد / ايوا اذكر كنت اذا ابي اراضيها اجيب لها حلاوه ومصاصه ..
هنا الكل ماستحمل وجلسوا يضحكون وعيونهم تدمع ..
ام حمد قامت وكنها معصبه وهي فيها الضحكة بس ماسكتها / اقول اروح اساعدهم وهم يحطون العشاء احسن ..
هالمره بو حمد قال مع عياله / اووووووووووووووووووووووو
\
في فنـــدق في دبي الساعه 9 المساء /
سطام وهو ينسدح على السرير بقوته / آآآآآآآآآآآه جســــــمي احسه تكسر من هالمشي .. ياليتني ماطعتكم وجيت معكم بيتنا ابرك لي ..
فيصل / صدق يوم قاال فهد شــــــــــــــــايب بكل معنى الكلمه ..
فهد / علشان تعرف اني مااتكلم الا بعد ما أتأكد من الكلام الي اقوله ..
سطام وهو منسدح يناظر السقف / تكـــــــــــــــفى ما أقدر انا ..
فيصل انسدح بالسرير الي جنب سطام / آآه تصدق حتى انا تعباان ..؟
سطام / شيء طبيعي اساسا من الصبح وحنا بهالأسواق والمتنزهات ..
فيصل / ياحلـــــــو البحر بس ..
فهد / اقول يالشياب انا بطلع اتمشى تحت عند الفندق تبون شيء ..؟
فيصل وسطام رفعوا راسهم مع بعضهم وفتحوا عيونهم ..
فيصل / من صدقك ..؟
سطام / لاااااااا مانــت صاحي ..!!
فهد / وش في الشياب مستغربين ..؟ عطوني جوالاتكم بس ..
فيصل / وش تبي فيهم ..؟
فهد / برقص معهم .. تعرفني احب ارقص ..... بشووف الرسايل اتسلى فيهم بدال ماأناظر الرايح والجاي ..
سطام / تعرف وش امنيتي فهد ..؟
فهد من غير اهتمام / وش هي ..؟
سطام بأبتسامه / انـــــــك تبتسم من قلبـــــــك ..
وقبل مايرد فهد كمل سطام / بس مو بأستهزاء كالعاده ..
فيصل / هههههههههه هالأمنيه صعب تحقيقها ..
فهد / فيــــــــــصل ..!!
فيصل / طيب سكتنا يا أخوي الكبير (( وسوا حركه بفمه انه سكره ))
فهد / وش هالأمنيه الغريبه سطام ..؟
سطام / ماادري احسك يااخي حتى لو مزحت مو من قلبك ..
فهد / والله وش اسوي اسلوبي .... ويالله عطوني جوالاتكم ياشطار ..
فيصل التفت لسطام / شوف الأخ فهد يحسبنا بزارين يلعب علينا مايدري اننا اصغر منه بثلاث سنوات بس ..
سطام / ههههههههههههههه
فهد راح يمشي / بتذلوني مع وجهكم يالله مع السلامه ..
سطام / لحظه لحظه خذ جوالي (( طلعه من جيبه )) بس ها .. الأرقام امانه لاتقربهم ..
خزه فهد / يعني برضى على بنات عمي ..
فيصل بصوت واطي / ماينضمنون المغازليه ..
سطام / ههههههههه (( التفت على فهد )) مو قصدي بس يعني اعرفك فضوولي ..
خذ فهد من سطام الجوال / لا لاتخاف بس بشوف الرساايل والصور مثل ماقلت فضولي بهالأشياء مع انها حقت مراهقين بس وش نسوي نونس نفسنا على مايرتاحون الشياب ..
سطام + فيصل هههههههههههه
\
نزل فهد تحت وخذ له كابتشينو وجلس يتمشى .. طلع جوال فيصل وراح الاستديو شاف الصور .. بعدين انتقل للرسايل ..
اول ثلاث رسايل كانت من مشاري .. والخمس الي بعدها من ربعه الشباب .. وبعدها من وحده اسمها (( ربي يخليها )) ..
فكر فهد معقوله من امه ..؟ لا يمكن من اخته بس اي اخت .. نزل تحت وبعد كم رساله شاف تقريبا عشر رسايل ورى بعض من (( قلـب اخوها )) هذه تأكد انها من اخته .. بس عارف ان عنده ثلاث خوات .. يتمنى يعرف اي وحده فيهم بيان ..!!
وليه ..؟ وش ابي في بيان انا اقرا رسايلها ..؟ فتح الرساايل وقام يقرا وحده وحده ..
انتقل للرسائل المرسله .. ولاشعوريا راح لـ رساله مرسوله لـ حبيبة أخوها .. فتحها ..
(( ضي قولي لأمي تجهز الاغراض الي بوديهم بيت خالي ))
ابتسم فهد وكأنه حال لغز .. نزل تحت وشاف رسايل كثيره مرسوله لـ قلـــب اخوها .. يمكن بيان ..؟ فتحها وشاف من ضمنها ..
(( بيـــان ليه ماتردي ..؟ اذا مو نايمه تعالي تحت بسرعه وبتشوفي مفاجئــه ))
هالمره يوم قرا اسم بيان ابتســـم ابتســامه من قلبه .. مثل ماتمنى سطام .. ياااربي وش فيني وش سالفة هالبنت ..؟
من قبل ثلاث سنوات وانا فيني شيء .. ماراح انسى ذاك اليوم .. يوم كانت بيان في ثالث متوسط .. وكنت عندهم بالبيت انتظر حمد ..
بيان وهي تنزل بسرعه / ميشووووووو ميشووووو
ناظرت فهد الي جالس يناظر فيها بأستغراب لأنه له ثمان سنوات ماشافها ..
بيان حمرت خدودها بسرعه ورجعت على ورى بس كان وراها مشاري / نعم حبيبتي وش فيك ..
ناظرته وجات بتروح مسكها مشاري / وش فيك ..؟
بيان تناظر فهد / مممم كنت ابي اقولك ...... اني ابي اروح ..... ممممم
مشاري يناظر في فهد الي عيونه على بيان / وش قايل لها خايفه كنها شايفه جني ..
فهد ابتسم ابتسامه خفيفه جدا / لا بس شكلها مستحيه لأنها ماعرفتني مو عادتي اجي بيتكم ..
مشاري / الله تبي تقولي على كثر ماجات بيتكم ماشافتك ..؟
بيان مسكت ثوب مشاري وبصوت خافت قالت / مشاري .. وقت اسئله بروح فوق وبقولك الي ابي بعدين ..
راحت بيان بسرعه تركض فوق ..
مشاري / والله اعتفس وجه البنت الي يشوفها عروس بليلة عرسها ههههههه
حمد طلع من المجلس / هذا طبع بيان ..
مشاري / بسم الله من وين طلعت جالس تتجسس ..؟
حمد وهي يدف اخوه علشان يسلم على فهد / طلعت من الباب وسمعتكم بالصدفه عندك مانع ..
سلم على فهد ..
مشاري / تدري اني مستغرب ان بيان ماتعرف فهد .. وفهد مايعرف بيان ..؟
فهد يخزه / وش دعوه مااعرفها اذكرها وهي بأول ابتدائي .. كانت خالتي تدرسها الحروف ..
حمد / هههههههههههههههههههههههههه الله قديم وربي انت مغبر الحين بثالث متوسط .. وينك عن بيتكم ماتجيه ..؟ بيان عند ساره اختك دايم ..
فهد / صدق دايم عندها بس ماتطلع من الغرفه واذا طلعت اشوفها بعباه وغطوه وبرقع من هي صغيره ماادري شـالسالفه ..؟
حمد + مشاري / ههههههههههههههههههههههههههه
مشاري / هذا طبعها متغطيه من يوم عمرها 13 سنه يقالها بس تبي زوجها يشوفها ..
حمد / اختي رومانسيه من هي صغيره هههههههه ..
\
رجع فهد للواقع بعد ماسمع بوووري سيااره مزعج ..
سكر جوال سطام .. الله على ذاك اليوم حسيت اني شفت احلى عيون بالكون .. عيووون دائريه لامعه .. لونها عسلي على بني ..
ماادري وش فيني صرت بس افكر فيها .. رجع للفندق علشان يرجع جوال سطام وبنفس الوقت يرتااح لانه توه حاس بالتعب ..
والله وطلـــــــعت انا الشايــــــــــــــب ..!!

في بيت (( بو وليد )) الساعه 9 بالليل //
كان كل البنات جاوا .. ومتجمعين بمجلس الحريــم ..
بيان / اسيلوووه وين الشوكليت المفضل عندي ..؟
اسيل / اي شوكليت هذا كل انواع الشوكلاته ..
شيماء / ههههههههه لا ياقلبي النوع المفضل عند بيونه الشوكلا السويسريه الي لونـه من برى اصفر .. وطعمه عسل حتى يسمونه ابو جبل ..
عبير / ههههههههههههههههههههههه عليها وصف وربي تـــحفه ..
شيماء / عبيروه دوري غيري علقي على كلامه ..
بيان / ههههههههه حلوه ابو جبل (( قامت تهز راسها مثل الهنود )) ابو جبل .. ابو جبل ..
شيماء عصبت / بيانوه عبيروه انطموا لااصككم بالصينيه ..!!
بيان وعبير يناظرون بعض ببرائه ومع بعض قالوا / حنــــــــــــــــا ..
ساره / لا جدكم .. كفك شيماء ..
ضربت كفها ..
شيماء / وربي ذولا لو يرتكبون جريمة قتل ويمسكونهم الشرطه ويسوون هالحركه يتركونهم الشرطه من نظرات البرائه الي بعيونهم ..
الكل / ههههههههههههه
غلا / لا ومشكله لو حطوا اصابعهم في فمهم .. تقولين بزارين مايعرفون شيء بهالدنيا ياعمري ..
ضي / حتى ساره تسويها ترى هههههههههههه
ساره / لا مااسويها مثلهم .. حاولت بس مااحد يقولي بريئه .. كلهم يقوولا ماينااسب ..
بيان / صادقين ههههههه
كانت تهاني سرحانه بعالم ثاني وفجأه وقفت / اسيــل حبيبتي في احد بالصاله ابي دورة المياه ..؟
اسيل تهز كتوفها / ماأدري .. بس حتى لو مايبين الا اذا وقفتي عند المدخل الصغير الي مقابل الغرفه هذه ..
تهاني / اها اوكي حبيبتي ..
مشت تهاني بتطلع وكملوا البنات السوالف .. لكن غلا كانت مركزه على تهاني لحد ماطلعت وبعدها مسكت شنطتها وطلعت جوالها ماتبي تستمع لسوالف البنات تبي تسوي نفسها مركزه على الجوال .. مو قادره تنسى الي قرت امس .. مو قادره .. لازم اكلم بيان بأقرب وقت لازم ..
تهاني اول ماطلعت وقفت عند المرايه الي مقابل دورة المياه وجلست تعدل شكلها .. وبعدها دخلت دورة المياه ..
\
دخل خالد من باب الصاله ولا شاف احد فيها سكر الباب وراه .. وراح على طول للمطبخ يشرب مويه ..
آآه ياقلبي على هالشغل ماادري من ضربني على يدي وقالي ادخل طب ..!!
شرب مويه .. وبعدها مسك جواله يدق على حمد ..
حمد / ياهلااااا ماأسرع اشتقت لي ..
خالد ابتسم / لا وربي ماأشتقت لك ياحبيبتي لأنك دوم محفوره في فكري ..
حمد / هههههههههه ياشيخ توني ادري ..
خالد / المهم حمد ماطلعت من المستشفى ..؟
حمد / لا لساا باقي عندي مريــض بالعياده .. اخلصه وطالع ..
خالد / طيب اسمع اذا خلصته مر على عيادتي وخذ منها ملف أحمر انا حاطه على المكتب وجيبه لي بالبيت لو ماعليك تعب .. لأني ما أطلعت عليه وبكره لازم اسوي الأجرائات الي فيه ..
حمد / ابشــر ياطويل العمر ..
خالد مبتسم / اوكي سلاام ياولد عمي ..
حمد / مع السلامه ..
طلع من المطبخ بعد مادخل جواله بجيبه ..
ياربي وين اهلي ..؟؟ توه بيروح فوق الا سمع اصوات بمجلس الحريم .. ابتسم ابتسامته الحلوه الي ماتفاارق وجه ..
ياحليل اهلي اليوم مغيرين ورايحين مجلس الحريم ..؟ مو عوايدهم ..
مشى وكان باب الموزع الي يفتح على مجلس الحريم وغرفة طعام الحريم مفتوح ..
توه بيدخل الا شاف بنت طالعه من دورة المياه وتناظر نفسها بالمرايه على جنب ..
وقـــف مو مستوعــب ..
معقـــوله ..!! معقـــوله ..!!
معقوله من كثر ماأفكـــر فيها صرت أشوفها بكل مكان ..!!
ههههههه ياحليلك ياخالد شكل جاتك هلوسه .. او أثر حبها على عقلك ..

التفتت تهاني تبي تلف على المجلس الي فيه البنات ووقفت مصدومه يوم شافت قدامها خالد ..
نطقت لاشعوريا بصوت شبه مسموع / خالـــــــــد ..؟؟
خالد مو حاس بنفسه قالت اسمه ..!! يعني مو وهم ..
توه بيتكلم بس هي بلمح البصر وصلت عند باب المجلس وتوها بتفتحه ..
خالد بهمس / لحــــــــظه ..
تهاني كانت يدها تنتفض وهي حاطتها على مقبض الباب ..
خالد / تــهاني .. تهاني طالعيني ..
تهاني مالفت .. ياربي وش يبي هالمجنون شكله ناسي اني مو حلال عليه ..!!
خالد / تهاني .. تهاني علشاني طالعيني مشتااق لك ..
تهاني من غير ماترد عليه فتحت الباب وهو رجع علشان ماأحد يشوفه ..
دخلت على البنات وهي مرتبكه ويدينها تنتفض .. الكل ناظرها وشاف وجهها المحمر ..
غلا اول وحده تكلمت بشك / وش فيك تهاني مختبصه ..؟
تهاني تحاول تبتسم بس ماقدرت / ههههه مافيني شيء بس طحت وحسيت نفسي أضحك لو ان جنبي احد فشــله ..
شيماء / سلاااااماااااات ياقلبي ..
بيان وقفت وراحت لها وحطت يدها على ذراعها / تعورتي ..؟
ضي وقفت جنب اختها / وخري يدك لاتدلعيها شوفيها مافيها الا العافيه
ناظرتها ضي بنظرات .. فهمتها تهاني ..
ساره / تعالوا اجلسي تهاني نعلمك بساالفة عبير وياالبلوتوث خخخخخ كاتبه اخت المعرس ..
ضربتها عبير بالقوه / وجع سارووه ورى ماتنشريها بالنت ..
اسيل / ههههههههههه تسويها ..
قامت اسيل وناظرت تهاني وهي تجلس جنب البنات / وربي شكلك تقولين بيتهم نحس كل مره اجي اطيح ..
كل البنات ماعدا غلا وتهاني / ههههههههههههههههه
اسيل تناظر البنات وهي تضحك / من جد ذاك المره طاحت جنب سياارة خالد لأنها منزله راسها يقالها مستحيه من خالد ولانتبهت للشجره المايله وشبك راسها فيها هههههههه وطاحت ياقلبي عليها ..
البنات / هههههههههههههههههه جد ..؟
تهاني ووجها نااار تقلدهم / جـــــــد ..؟ انطموا كلكم لاأصيح ..
بيان / هههههههههههه لا ياقلبي تعالي تعالي جلسي نكمل سوالف ..
الكل كان يضحك ماعدا تهاني الي كل ماتذكرت خالد حمر وجهها .. وضي الي بين الفتره والثانيه تلتفت لها .. اما غلا كانت بحاله غريبه .. حالة شــك ..!! نظراات ترميها على تهاني الي مو منتبه للي يصير بغلا ..
بعد العشااء الكل اتصل على اخوه يجي ياخذه ..
وشيماء وغلا وتهاني كانوا كل ماأتصلوا بأهلهم ماأحد يرد ..
غلا وهي ترمي الجوال على الكنب بعصبيه / اوووووووف يعني وقت يسكر ثامر جواله مايكفي زياد مايرد ..؟
بيان / طيب والسواق ..؟
غلا فتحت عيونها / مجنونه بيان ..؟ من متى عايلتنا الحلوه ترضى نركب مع السواويق هالوقت ..؟
ضي / ماعليه اختي تأثرت من الدراسه ههههههه ..
بيان كشرت / مو قصدي .. بس لأنهم ماردوا عليهم .. طيب تعالوا نوصلكم ..
ساره / لا انا بوصلهم فيــصل جاء دق الحين ..
شيماء / ياااااااااااااااربي رد علي .. رد يامحمد الله يخليك ..
بيان / ههههههههههه ياعمري شيماء اجل انتي الي بنوصلك ..
ضي / خلااص علي الطلاق ان نوصلك ياشيماء ولاتزعجي اخوك مسكين نايم شكله ..
شيماء عصبت / يعني قايله له لاتنام بس مافيه فايده ..
عبير فااضيه / يووه حساافه ماعندي احد اوصله ..
البنات / فااااااااااااضيه ههههههههههههه
ساره تناظر جوالها وهي تلبس شيلتها / يلا يلا تهاني وغلا فيصل شكله عصب من زمان برى ..
لبسوا البنات عباياتهم وطلعوا مع ساره ..
قبل ماتركب ساره السياره ناظرت البيت من برى (( وين وليد نور البيت ..؟ اللـــــه لو انه موجود كان فرحتي اكبــر ))
ركبت ساره قدام وسلمت ..
وبعدها ركبوا غلا وتهاني ورا ..
غلا + تهاني بصوت خافت / السلام عليكم
فيصل / وعليكم السلاااااام ياهلا ببنات خالي ..
نزلوا غلا وتهاني راسهم ياجرأة ولد عمتهم ..
ساره تضربه على كتفه بخفيف وهي تبتسم / ترى يستحون لاتنسى ..
حرك السياره وهو مبتسم / لا ماارح انسى بس مشتااق لسوالفهم وبالذات رجة غلا ماأنسى مقالبها لي وهي صغيره ..
ساره وتهاني / هههههههههه
غلا كان وجهها محمر ..
اما تهاني نزلت راسها يوم حست بنظرات فيصل لها من المرايه ..
ياااربي وش ذا الموقف الي حطيتي نفسك فيه ياتهاني ..!!
ساره / الا وش سويتوا بدبي استانستوا ..؟ ومتى رجعت يوم اروح بعد العشااء لبيت عمي لساا مارجعت ..
فيصل / بالنسبه للوناسه تونسنا بس ذبحنا فهد الله يهديه وذبح سطام معه .. كل ماجينا بنريح قومنا مابقى مكان ماودانا فيه .... حتى مارجعنا الا الساعه 10 بعد مارحتي ..
ساره / اهااا ماشاء الله ..
فيصل / اقول تهاني اخباارك مع الأنجليزي ..
ساره / مسكينه هي وضي حالتهم حاله معاه ..
فيصل خزها يعني انا ابي اكلمها لاتتكلمي .. وساره فهمته بس طنشته لأنها عارفه مشاعر تهاني تجاهه .. مشاعر اخويه لاغير ..
وماودها اخوها يتعلق فيها كثير ..
فيصل / الله يعينهم ياارب ..
غلا في نفسها (( انا ثالث ثانوي ماسألني والأخت تهاني سألها )) ناظرت غلا تهاني على جنب .. (( يااربي متى اكلم بيان وافضفض لها في الي داخلي متى ..؟ ))
وصلوا بيت بو ثامر والكل ساكت ..
نزلت غلا اول وتو تهاني بتنزل الا التفت فيصل وقال / سلمي لي على خالي ياتهاني وعلى مرت خالي وعلى زياد وحبي لي رهوومه
ضربته ساره بكوعها يعني اخلص ..
ساره / هههههههه قول العايله الكريمه كلها ..
فيصل طنشها / واهتمي بنفسك والله الله بالأختبارات ..
تهاني بخجل / ان شاء الله .. مع السلامه ساره ..
نزلت من غير ماتقوله مع السلامه .. يااااربي .. وش اسوي فيه .. اخاف يحسبني احبه .. لا لا يعرف اني احبــ ....
اوووووف ليه افكر اول ادخل لاأطيح بعد وتتحقق الكذبه ..
دخلت تهاني وعلى طول لغرفتها ماحست بغلا الي كانت جالسه بالصاله ومبين انها معصبه ..
ناظرت غلا تهاني وهي تروح فوق ..
آآآه ياربي شسالفتك ياغلا .. تغيري من اختك ..؟ بس ليه ليه ..؟ وش معنى فيصل ..؟ وش معنى ..؟
اعوذ بالله من الشيطان اقوم انام واكلم بيان بكره افضل .. لا وش بكره اليوم .. لا اخاف تعبانه .. اوووف اهدي ياغلا اهدي ..
راحت غرفتها بسرعه وهي في بالها الف سؤال وسؤال ..

أسفه سبقة الجزء السابق قبل هذا
في بيت (( بو ثامر )) الساعه 3 الفجر /
كانت تهاني جالسه على الماسنجر تكلم ضي .. لما سمعت ضرب خفيف على باب غرفتها ..
تهاني / ادخــــل ..
دخلت غلا مكشره وماده بوزها .. سكرت الباب وراها وجلست على السرير بدون اي كلمه ..
تهاني لفت على الكرسي الدوار وناظرت غلا ..
تهاني / سلامات حبيبي مو على بعضك سلامات ..؟
غلا / ملل ..
تهاني / ودروسك ..؟ متى بتبدي تذاكري ..
تنرفزت غلا / اقووووووولها ملل تقولي دروسك ..
وقفت وراحت قدام المرايه تناظر جسمها / زاد وزني ..؟
تهاني ابتسمت / وربي ماأحد مجنون مثلك .. عليها اختبارات وزاره وهمها وزنها ..!! روحي ياماما ذاكري وربي ابرك لك .. وبعدين تعالي رجع زياد البيت ولا لسااا طالع ..؟
غلا ومو مهتمه بكلام اختها / لا رجع من الساعه 12ونص وينك فيه انتي .. بس بهالغرفه الي يشوفك يقول تذاكري ..
لفت تهاني وتكلمت مع من معها بالماسنجر بعدين قفلته .. وقامت اول ماجات تطلع لفت لأختها ..
/ اذا خلصتي طلعي وسكري الباب ..
راحت وغلا عصبت / ياسلااااااام جايه اشكي لها ولاتعطيني بال حتى ..
جلست على كرسي التسريحه وقامت تتحوس بأغراض اختها .. لفت انتباها دفتر مذكرات بالدرج الاخير ..
خذته وراحت تجلس على السرير .. ترددت تفتحه ..؟ ياااربي مايصلح اخاف تهاني تعصب .. بس ليه تعصب ..؟ مابيينا اسرار ..
فتحته وكان داخله ورد مجفف .. فتحت صفحه تلقائياً كان فيها خاطره بعنوان (( هل تحبـــني ..؟ ))
لا تسألني لماذا احببتك ..!!
ولا تسالني متى احببتك ..!!
ولا تسالني عن اسباب اشتياقي ..!!
لاني عندما رأيتك ..!!
تبعثرت جميع اوراقي ..!!
احس بك وانت بعيد ..!!
واراك امامي وفي منامي ..!!
اصبحت اراك في وجه البشر..!!
هل اشكر القدر ..!!
لانه عرفني عليك ..؟
وجعلني أذوب في عينيك ..!!
تلك العيون الجميله ..!!
التي رمتني في بحر لا اعرف قراره ..!!
لقد ارتسمت ملامحك في أحداقي ..!!
واختطت حروف اسمك في قلبي ..!!
فهل بعد كل هذا تسألني ..!!
هل تحبـــيني ..!!؟؟؟
فتحت على صفحه ثانيه بعنوان (( عفواً أنا عاشقــه )) ..

عفواً حبيبي أنا عاشقة
لكل معاني الحب في قلبك عاشقة
لكل كلمة لكل نظرة لكل همسة منك أنا لها عاشقة
حتى قطرات الندى في جمال قلبك عاشقة
فكيف لا أكون أنا لمن أعشق حتى الموت عاشقة
وتسأل في النهاية لما أنا لك عاشقة ..؟
أنا لك بكل المعاني مصارحة وبكل العبارات صادقة
نعم ..
نعم حبيبي ..
انا لك عاشــــــــــقه ..
قلبت عدة صفحاات لما شافت اسم بالأنجليزي مكتوب بخط كبيــر وباللون الأحمر ..
كشرت وهي تقراه .. بعدها نزلت تحت تقرا المكتوب تحته باللون الأزرق ..
شهقت غلا بصوت عالي ..
وسكرت الدفتر بسرعه لما سمعت صووت عند الباب ورجعته مكانه بسرعه وأرتباك ..
جات بتطلع .. الا فــتح احد الباب ..
نزلت راسها شافت ريهام واقفه مستغربه وتناظرها ..
غلا / خيير ..؟ تبين شيء ..؟
ريهام / لا بس زياد يقول نادي غلا ودورتك بغرفتك مالقيتك قلت يمكن بغرفة تهاني ..
غلا / طيب هذا انا نازله يلا روحي ..
راحت ريهام غرفتها وهي تناظر غلا بنظرات استغراب ..
وغلا ماعرفت سبب هالنظرات راحت تحت .. وشافت زياد يسولف مع تهاني ..
غلا / سلاام ..
زياد / وعليكم السلام .. وينك اذا نزلت تهاني تروحي فوق واذا راحت فوق تنزلي ..
تهاني تناظرها / ماتحبني ..
غلا ماهتمت لكلمة تهاني وكانت بحالة تفكير / زياد ابي توديني بكره عند بيان ..
زياد / ليه ..؟ البنت تذاكر وماتبي احد يزعجها ..
غلا / لا ضروري ابيها .. في اشياء ماأعرفها ابيها تحلهم لي ..
زياد / طيب وريني الي ماتعرفي واحلهم لك انا ولا تهاني ..
غلا / لا لا انا مااعرف مسائل رياضيات .. وانت وتهاني ادبي كيف بتحلونهم لي ..؟
زياد وقف / يعني مصممه تروحي ..؟
غلا رفعت راسها تناظره / ايه ..
زياد / خلاص اجل تجهزي بكره بعد المغرب .. والحين يلا تصبحون على خير تعبان وابي انام ..
غلا + تهاني / وانت من اهل الخيــر ..
بعد ماراح زياد .. ناظرت تهاني غلا / وش فيك غلا مو على بعضك ..؟
قامت غلا / مافيني شيء يالله برووح انام مع السلامه ..
تهاني ماتدري وش في هالبنت اليوم .. وين عادتها مزووحه وهبله .. فيها شيء البنت .. وكأن مكتشفه شيء خطيير ..
ممممم مو وقت هالتفكير افضل ارووح اريح واتحلم احلام حلوه .. (( ابتسمت ورددت بصوت مسموع وهي توقف )) احلام حلوه ..
\
يوم الجمعه الساعه 2 الظهر (( في بيت بو متعب )) /
كانت ساره جالسه بغرفتها تذاكر .. لما دق جوالها .. ناظرت الأسم على الشاشه (( روحي تحبك )) ابتسمت وردت ..
ساره / ياهلا ومرحبا بـ حبي الأول والأخيــر ..
اسيل / ايه انصبي علي واذا كلمتي بيان وغلا قلتي نفس الكلام ..
ساره / ههههههههه لا وربي بس بيان كاتمة اسراري .. وغلا مخططه لمقالبي .. وانتي حبي ..
اسيل / لا افضل اصير حبك ومخططه لمقالبك وكاتمة اسرارك ..
ساره ابتسمت / ابشري من عيوني .. بس قولي لي اخباارك وش مسويه مع الكتب الجميله ..؟
اسيل / وربي مافتحتها مالي خلقها ولا خلق جمالها وبعدين لاتجيبي طاريها انا متصله علشان اعزمك اليوم في بيتنا انتي والبنات ..
ساره مستغربه / من صدقك ..؟ وقت أختبارات ..!!
اسيل / ايه من صدقي مدام غلا وبيان بيغيبوا لمدة اسبوعين وحنا اختباراتنا يوم الأثنين تبدا .. خلونا نغير جو علشان نقدر نركز بعدها ..
ساره / مممم ماأدري يالهبله قلتي للبنات ..؟
اسيل / ايوا قلت لهم كلهم ووافقوا بس باقي انتي .. وبيان ضي بتقـنعها ..!!
ساره / يعني ماوافقت ..؟
اسيل / لا مو على ماوافقت بس نحسها متردده .. وبعدين فكونا يانوابغ وبلا عباطه ..
ساره / هههههههههههه حلوه عباطه .. خلااص ولايهمك بعد العشااء تشوفيني عندك ..
اسيل / اوكيك يالله مااعطلك برووح اتكشخ ..
ساره بأستغراب / من الحين ..؟
اسيل / ايه من الحين يلا طسي ..
ساره / ههههههههههه ماتعقلين مهما مر الزمن ..
اسيل / تكفييين يالعاقل .. يالله باي باي لو اتهاوش معك ماسكرت الا بعد ماتخلص الاختبارات ..
ساره / هههههههه الله معك ..
\
في بيت (( بو حمد )) الساعه 5 المغرب /
بيان كانت تصاارخ بالصاله / ضـــــــــــــي ضــــــــــــي ووجع يوجع العدو ان شاء الله .. ضـــــــــي ..
طلت ضي من الدرج معصبه / وش فيك بسم الله تصارخي ..؟ فيه حرامي ..؟
بيان حطت يديها على خصرها / لا والله اسم الله علي .. اصاارخ لأن ماأحد بالبيت وين راحوا ..؟
ضي / يعني ماتعرفي تجي فوق وتضربي باب غرفتي .. وتسأليني وينهم ..؟ لازم صرااخ ..
بيان / مالي خلق وبعدين تفاجئت وين يروحون واليوم الجمعه من يطلع اليوم ..
ضي / احلفي بعد الطلعه فيها يوم .. راحوا اساسا لجارتنا ام سعد .. صاير لـ زوجها حادث والحمدلله ماجاه الا شوية رضوض بالساق وحمد وابوي ومشاري راحوا يتحمدون له بالسلامه .. وراحت امي لزوجته بعد تتحمد لها بسلامة زوجها ..
بيان / اها ياعمري ... طيب مالبستي انتي يبي لك ساعات على ماتخلصي ..؟
ضي رفعت حواجبها / من الي يبي له ساعات انا ولا انتي ..؟ المهم تعالي ابي اوريك شيء بالابتوب ..
راحت بيان لــ ضي فوق في غرفتها ..
جلست ضي على الكرسي وانحنت بيان عليها علشان تشوف ..
ضي وهي تأشر على صورة تسريحه / ناظري وش رايك اقص شعري كذا ..
بيان / ممممم بس شعرك مو طويل مره يعني لحد كتفك وتقصينه زياده ..؟
ضي / ايه عادي ياقلبي تعرفيني ماأحب الشعر الطويل ..
بيان خزتها / يعني شعري مو حلو ..
ضي / هههههههههه لا انتي شعرك اسود وناعم وكثير ماشاء الله يعني حلو الطويل عليه انا خفيف وبني ..
بيان / بس ناعم ..
ضي / ايه حتى لو .. خفيف مايصلح له الطويل .. ايه صح ماقلتي لي غلا مو اتصلت امس الفجر وقالت بتجيك ..؟
بيان / ايوه بس اليوم لما عزمتنا اسيل خلااص كلمتني قالت اشوفك عندها ..
ضي / بس هي تبي تسألك عن الرياضيات اتوقع ..
بيان / ايه عادي تسألني بالتلفون بعدين ولاتجيني بكره ..
ضي / اها ..
لفت تناظر الصور والقصات ..
بيان / ممممم ضي ..!!
ضي وهي تناظر الصور / هلا قلبي ..
بيان / مممم تصدقي ضي .. امس وانا افكر عرفت اني ابي اتزوج واحد على قد حاله .. ماعنده فلوس كثير واهله ناس عاديين جداً
ضي لفت بقوه وهي مفتحه عيونها بأستغراب / من جدك ..؟ انتي عكس البنات هههههههه الناس يبون تاجر يدلعهم وانتي تبين فقير ..؟ وبعدين وش جاب هالشيء على بالك امس ..
بيان نزلت راسها / مو يعني فقيــــــر ماعنده فلوس .. لا يعني مدرس واهله عاديين .. مثلاً ابوه مدرس بعد ومعيشهم على الراتب هذا .. والي جابه على بالي صراحه يوم فكرت بـ لينا ..
ضي نزلت عيونها تناظر يدين بيان الي شابكتهم بقوه / لينا الحمدلله تلبس احلى اللبس وتاكل احلى الأكل .. مو معنى ان ابوها فراش صارت فقيره .. هذا شغله محترمه مافيها اي عيب .. وبعدين وش دخل لينا انك تتزوجي واحد على قد حاله ..
بيان جلست على سرير ضي وتكلمت بحماس / انا ماقلت انها فقيره بس يعني احسها لو اشترت شيء جديد او جاو بيسافروا او يسوو اهلها اي شيء انها تفرح من كل قلبها مو مثلنا متعودين على كل شيء جديد ومتعودين على السفر والأشياء الغاليه .. وودي اني اجرب الحياه العاديه مو اطلب اي شيء ويجيني .. ودي افكر كيف اصرف فلوسي واسوي ميزانيه (( ابتسمت )) زي الهنود هههههه .. مو معناته اني ماأحب اعــيش بخير .. بس الحمدلله اهلي ماقصروا ابي اعيش باقي عمري اعرف معنى الفلوس وافرح لو صرت مدرسه او اي شيء واستلمت راتبي ..
ضي بأبتسامه / يعني انتي عشتي بخير ماتبين عيالك يعيشون بخير ..؟
بيان فتحت عيونها وحركت يدينها بمعنا لا / لا لا من قال كذا انا ماقلت فقرااء .. قلت لك مدرس وانا مدرسه بعد يعني ماراح يحتاجوا شيء ..
ضي / طيب نفس الشيء اغنياء ..
بيان ابتسمت / لا في فرق بين الي عايشين على قد حالهم .. وبين الأغنياء .. الأغنياء اي شيء يخطر على بالهم يجيبوه بنفس الوقت ..
وقفت ضي / وربي انك غريبه يابيان غرييييييييبه من قلب ..
بيان وقفت مع اختها ومسكت ذراعها / مو قصدي اني اصير غريبه بس لأن كل عمامي تجاار ماأحس بأحد عارف قيمة الفلوس .. شركات ووظائف مرموقه ومحلات ..
ضي / عمامي اوكي انتي صادقه بس خالي صالح عادي لاعنده لا شركات ولا محلات ولاوظيفه مره مرموقه عادي مدرس .. خذي اجل زياد (( ناظرت اختها وحركت حواجبها ))
بيان ضربتها على خفيف / ههههههههه تفكيرك غلط .. تبيني اخذ واحد مزاجي وعصبي ماني ناقصه .. وبعدين لسا صغيره ..
ضي / عليييييييييييييييينا
بيان / مالت برووح البس احسن لي ..
مشت وفتحت الباب واول ماطلعت ..
ضي / البسي ولاتفكري كثير بالأفلام الهنديه والفقراء والتجار هههههههههه
مدت بيان لسانها لأختها وهي تضحك وسكرت الباب بالقوه ..
ضي / ههههههههههه وربي اختي تحفه عليها سوالف انمااااااااا ايه ههههههه
ودخلت تتروش ..

>> الجزء الثالـــ3ـــث

في سياارة حمد ..
كانت شيماء من ركبت السياره وهي ساااااكته .. ومنزله راسها من الحياء ..
بيان الي كانت جبنها / حمد وش فيك نزلت اول ماجيت لنا ..؟
حمد يبتسم / ياحبك للفضول يابيون .. كنت اعطي خالد ملف يبيه .. ارتحتي هههههههه
بيان حطت رجل على رجل بدلع / ايه ارتحت .. بس قدم السيت حق ضي ضيــق ..
ضي التفت وناظرتها حاطه رجل على رجل وخزتها من البرقع حقها / اقول اها بس صيري عاقل مثل شيماء ونزلي رجولك ..
بيان تسبل برموشها / صدقيني شيماء لو انها مو مستحيه من حماده كان شفتي الهباال بس الحيااا (( التفت لشيماء وبصوت عالي )) مقـــــــــطعها ..
شيماء حمر وجهها من الفشيله .. وودها تقتل بيان ..
ضي / هههههههههههه الله يفشلك فشلتي البنت ..
حمد / وحماده بعد تقول حسابك بالبيت ..
بيان رجعت تسبل بعيونها / ليه وش سويت ..؟
حمد / اول شيء فشلتيني مع هالدلع .. ثاني شيء فشلتي شيــمـ .. (( وقبل ماينطق كل اسمها حس بنفسه )) .. فشلتي صديقتك ..
بيان / هههههههههههه لا عادي شيماء مايهمها ..
شيماء وقتها قررت تسوي جريمة قتل .. طيب يابيان .. طيب ..!! موتك على يديني ..
وصلوا شيماء بيتها وقبل ماتنزل قالت بصوت واطي / مشكورين ..
بيان وضي / قمنا بالواجب ..
حمد بصوت واطي / ههههههه متدربين على الكلمه يالخوات ..
خزت شيماء بيان بغيض وسكرت الباب ودخلت البيت ..
ابتسمت بيان بعد مامشت السياره .. مممم ليش هالأحساس ..
احساس غريب .. يقولي ان هالعطله غــير عن كل العطلات .. ليه احس شيماء بتصير قريبه مني اكثر .. وليه احس اني بفقد شيء بحياتي .. ليه احس ان حياتنا كلنا بتتغير .. ليه وليه وليه غمضت عيونها .. يااربِ وش ذا التفكير ..؟ يارب وفقني بالأختباارت وعدها على خير .. الظاهر تأثير اختبارات ثالث ثانوي .. رجعت فتحت عيونها وقرت بصووت غير مسموع (( اللهم اشرح لي صدري ويسر لي امري )) .. لاألـه إلا الله .. حست براحه نفسيه .. ماودها تفكر كثير والأختبارات على الأبواب ..
\
العطله ماباقي عليها الا أربع اسابيــع .. وأحاسيس بيــان الغريبه يمكن تطلع صدق .. هل معقوله ان الـعطله هالمــره راح تغير من حياة العايله ..؟؟
تهانــي وخالد وفيصل .. وش قصتهم بالضبط ..؟ مين يحب مين ..؟
فــهد وبيان ..؟ هل معقوله انهم مكتوبين لبعض وان حب فهد لها حقيقي ..؟
ساره وحبها لوليد .. هل وليد يحبها بعد .. وهل ممكن يكون له دور بقصتنا ..؟
غلا والي قرأت بمذكرات اختها وخلاها تعيش بحالة شك .. بتلقى لأسألتها اجوبه ..؟
البنت الي كلمت فارس وش سرها ..؟ وساره ليــه تحس بالحزن اذا تذكرت مرام ..؟
اسئــله كثيـــره ببدايــة قصتــنا .. تعتبـــر البدايه لمشوار أبطالنــا ..

>> الجزء الثالـــ3ـــث <<

طلعت من قاعة الأختبار وهي مو مصدقه كانت تمشي بس مو حاسه بنفسها ..
ناظرت شلة المرح جالسين يضحكون بصوت عالي ويوم شافوها وقفوا وراحوا ناحيتها وهم يركضون كأنهم خبلان ..
غلا وهي تضم بيان الي مازالت جماد مو حاسه بنفسها / خلـــــــــــصنا بيان خلصــــــنا الثانويه ..!!
البندري / بشوي شوي عليها بتموت خليها تاخذ نفس ..
غلا بعدت شووي تناظر في بيان الي دموعها بعيونها لكن مانزلت .. ومازالت سرحانه بعيونها عنهم ..
شيخه / بيان سلامات وش فيك ..؟
لينا / من الفرحه يمكن ..
مريم بدفااشه بعدتهم عنها ومسكتها تهزها / وش فيييك اضحـــــكي مو وقت تبكين على المدرسه فيه جامعه لاتخافي بتذاكرين ..
ضحكت بيان وسط دموعها وضربت مريم على كتفها / ههههههههه مو مصدقه بنات وربي مو مصدقه حاسه اني بحلم وبصحى منه
غلا / لا ماراح يصير حلم بعد شوي راح تتأكدي .. يالله وحده تطلع البيبسي بنات
مسكت لينا شنطه مليانه بيبسي لأن الشله معروفين بعشقهم للبيبسي الي يشاركهم كل افراحهم ^_^ وعطت كل بنت علبه ..
تجمعوا على شكل دائره ومدوا اياديهم الي فيها العلب واليد الثانيه استعدوا يفتحوا البيبسي ..
بيان بحماس / مستعدين ..؟؟ واحد ..... ثنين .... ثلاثه .....
طــــــشششششششششش
فتحوهم مع بعض وعلى طول كل بنت قامت تشرب وهم يضحكون الا بيان الي بس وصلت العلبه لفمها رجعتها على طول وهي تناظرهم بخبث وبدوووون اي تردد .. سبحتهم كلهــــــــــم بالعلبه ومابقى منها شيء
البنات / آآآآآآآآآآآآآآآآآآآآآآه وجــــــــع بيانووووووووووووووه
ماحست بنفسها الا انها تركض تنقذ نفسها منهم وهي ميته ضحك .. وهم وراها .. وبنات المدرسه يناظرونهم مستغربين ..
معقوله هذه حركات بنات بيروحوا الجامعه ..!!
\
الأربعاء الساعه 6 ونص المغرب /
فتحت عيونها بكــسل بعد ماحست ان بغرفتها أحد ..
لفت لجهة باب الغرفه وشافت ظل واقف عنده ..
بيان بصوت خافت ملياان نوم / ميـــن ؟؟ غلا ؟؟
/ لااا .. حلاااا
ابتسمت بيان يوم عرفت صووت ضي ..
بيان قامت وهي تزين شعرها الي انعفس من النوم / وش فيك واقفه تناظري فيني شغلي اللمبه ظلاام يااختي ..
ضي بهدووء / ممممم ماتكفي الأبجوره ؟؟ قومي حبي .. في احد يبيك تحت ..
بيان ناظرتها مستغربه / يبيني ؟؟ مين اكيد غلا تبي تنتقم من البيبسي الي سبحتهم فيه اليوم هههههههههه
ضي لساا على هدوئها / نو شخص ثاني يبيك ..
بيان/ شخص ثاني ..؟ وش ذا الغموووض ؟؟ مين هو ؟؟
ضي لفت بتطلع / البسي وانزلي وتعرفينه ..
طلعت ضي من الغرفه وبيان علامات الأستفهام على راسها ..
\
نزلت بيان بعد مابدلت ملابسها وصلحت شعرها .. شافت الصاله ظلام ..
يؤ ؟ وش السالفه ؟ وينهم ؟ توها بتنادي الا فجأه شغلــــوا اللمبات ..
وبصووت واحد / سبرااااااااااااااايز
فتحت عيونها من الدهشه .. امها وابوها جالسين وهم مبتسمين ويناظرونها بــحب ..
وحمد ومشاري وسطام واقفين عــند كيكه طبقاات مره شكلها نايس ..
وضي وحلا ماسكين رشاش الحفلات الي يطلع ثلج وخيوط ملونه ^_^
ضي تقدمت منها وحضنتها / ألف الف مبروووووووك التخرج وعقباال النسبه العاليه قلبوو
دمعت عيون بيان وهي تضم ضي / الله يبارك فيك حبيبتي
تقدموا كل خوانها وباركوا لها وراحت هي لأمها وباستها على راسها وضمتها
بعدها باست يد ابوها وراسه وضمته بقووووووووه وهي تبكي من الونااسه ..
يااارب يااارب لاتحرمني منهم وتخليهم لي ياارب
حلا / وينك ياحلوه .. تجين من المدرسه وعلى طوووول نوم
بيان وهي تمسح دموعها / جيت تعبانه بعد الركض والرقص في هالمدرسه صايره مرقص مو مدرسه هههههه
مشاري / ههههههههه مااحد يلومكم خلصتوا الثانوي لازم ترقصون
بيان/ المشكله كل بنت خلت المدرسه كلها تكتب لها على مريولها وانا مريولي اختفى صار كله كتابات
حمد / يوووه تصرف بزارين
ضي / لا عادي هذا بنات هالأيام
ام حمد / ايه بنات هالأيام اختربوا
بو حمد / ههههههههه تكلمت ام حمد
بيان بدلع / يممممه وش اختربنا ؟ عادي لاازم مذكرات ومافيه احلى من المريول
سطام / جيت اليوم من الدوام وقلت وين بيونه نبارك لها قالوا نااايمه ولا كان بوديك بااسكن اشتري لك اكبر برميل
ضي / برميل خخخخخخخخخخ
سطام / اوووص
بيان / هههههههههههه وربي بس جيت رحت على طووووول غرفتي .. بس لحظه مايمنع الحين توديني (( ناظرته بخبث ))
سطام / ههههههههههه لا الحين بنااام
مشاري / ول ماشبعتي من هالكيكه الكبيره .. ترى على ذووق ابوي (( وقام ينزل ويرفع بحواجبه ))
بيان / هههههههههه ادري ماصارت حلوه الا لانها على ذووق بابي
خزوها اخوانها وهي كملت وهي ميته ضحك عليهم / بس ابي افهم ليه هالحفله ماأجلتوها لما تطلع النسبه وسويتوها حفل كبير خخخخخ
بو حمد / لا هذه الحفله نبيها بنفس وقت فرحتك يوم خلصتي اختباارات .. واذا طلعت النسبه ابشري بالحفله الكبيره الي تخلي الكل يتكلم عنها
ام حمد / يؤ يؤ يؤ لاتخرب البنت علينا .. بكره تتزوج وتبي زوجها يسوي مثلك
ضمت بيان ابوها وهي مستااانسه / يسلمووو بابي ربي يخليك لي .. ولاتخافي امي زوجي لازم يصير مثل ابوي اعرف اسويه مثله بطريقتي
الكل / ههههههههههههههه
حلا / والله وصار طبخـــه تسويها ..!!
بيان وكنها تذكرت شيء وشهقــت وهي توقف / ويــــــــــــــن جدتــي ............؟؟؟
مشاري يتطنز / خلصت فترة جلوسها عندك خخخخخ
بيان عصبت وحطت يديها على خصرها / لا والله مالها الا اسبوعين شايفني غبيه
سطام / بسم الله عصبت
ام حمد / ورا ما تضربي اخوك ؟؟
حلا وهي ماسكه بطنها على شكل بيان وهي معصبه / هههههههههههههههههههههههههههههههه
ابو حمد مبتسم / ليه تحبوا تجننوها هوايه هي ..؟ ياعمري انتي جدتك راحت بيت عمك بو وليد لان اليوم ولد عمك وليد بيجي من السفر وتبي تشوفه له ست سنوات ماجا السعوديه مع هالدراسه الي حتى بأيام العطل يدرس ..!!
\
الساعه 7 المساء /
كانت منسدحه على سريرها و تناظر الصور في الابتوب .. دق باب غرفتها
/ ميــــن ؟؟
/ ايوا انا ريم ممكن ادخل ساره ؟
ساره / ادخلي حبيبتي
ابتسمت ساره لــ اختها الهاديه الي نادر ينسمع صوتها عكس الأطفال بعمرها العشر سنوات ..
ريــم / ساره انا طفشانه ابي اروح لبنت خالي ريهام ..!!
ساره / حبيبتي اتصلي عليها وشوفي اذا موجوده قولي لفيصل اوفهد يودونك ..
ريم تأشر براسها بمعنى لا / اتصلت عليها موجوده .. لكن فيصل وفهد مو موجودين ..
ساره ابتسمت / خلاص قلبي مدامها موجوده انتظري الساعه 8 اوديك لها مع السواق وفارس .. يعني بعد ساعه اوكي ؟
ريم ببرائه / اوووووكي
باست ساره على خدها وطلعت
يااااحبي لـ هالبنت ..!!
سكرت الابتوب وقامت وطلعت ووقفت عند غرفه جنب غرفتها دقت الباب بشوي شوي
ساره بصوت هادي / مرام ..؟؟ مرام ؟؟ افتحي الباب ابيك شوي
ظلت واقفه ماتدري دقيقه ؟؟ دقيقتين او حتى عشر دقايق .. المهم انها مافقدت الأمل وان شاء الله بتفتح لها هالمره ..
رجعت تدق الباب وبصوت اعلى شوي من الي قبل / مرام حبيبتي لي اسبووع معطله وطفشاانه من قلب افتحي بسوولف معك
سمعت خطوات تقترب من الباب ..
كنت حاسه اني لو قلت هالكلام بتفتح ..!! حنوووونه يامرام حنووونه حتى في لحظات الألم والعذاب الي تعيشيها..
انفتح الباب .. وكان النور خافت داخل الغرفه .. طلت ساره براسها وقالت بصوت مرح / ممكن ادخل ياأختي الحلوه ..؟
جاها صوت حسته بعيــــــــد بعيــــد كثيـــر عنها .. بس نعومته وجاذبيته ماراح منها شيء
/ تفضلـ ـ ـي
دخلت ساره وناظرت على طول بالعيون الي تناظرها بأنكسار وألم .. ناظرت اختها وهي تحس انها من زمااان ماشافتها لدرجه نست ملامح وجهها ..
رجعت تدقق فيها بصمت ..عيونها الخضرااء الواسعه .. وشعرها الأشقر الغامق فيه خصلات بنيه .. بيااض بشرتها ولون شفايفها .. كلها تدل على الجماال المغري فيها .. وهي في هـ الحاله من الدموع والحزن والعزله .. كيف لو انك بسعاده يامرام ؟؟ كيف لو انك متكشخه وش بتصيري ؟؟ دمعت عيون ساره وماقدرت تمسك روحها .. رمت نفسها بحضن اختها الي ضمتها بدورها وباستها على راسها ..
ساره وهي تشهق وبصوت متقطع / ليــ ـ ــه لـ ـيـه يا مـ ـر اام لـ ـيه تسـ ـو ين بـ ـنفـ سك كذ ااا لييييييييييييييه ؟؟
مرام / .............
ساره / ليييييه جاوبيني ؟؟
مرام بصوت هادي كله ألم / ساره حبيبتي ........... الله يخليك اطلعي روحي غرفتك هذا انتي شفتيني
ساره رفعت راسها وبصووت عالي وصرااخ / شفتــــــــك ؟؟ شفتك في هالظلام شفتك بهالشكل شفتك في دقايق شفتك وانتي عازله نفسك عن العالم ؟؟ حرام عليك حسي في الي يحبونك وعذاابهم .. الي صار لك كله من ربي كله من الله تعترضي على ربي ؟؟
مرام وسط دموعها بهدووء غريب / بس انا السبب وانتي عارفه هالشيء ياساره .. (( غمضت عيونها شوي وفتحتهم .. وبصوت أعلى )) انا بيديني قتلت حلم من سبع سنوات كنت احلم فيه .. قتلته ياساره قتــلته بيديني .. تذكرين أمي وقتها وش قالت لي ..؟ أني ماأستاهل هالحلم لأني قتلته ..
ساره انهاارت ماقدرت / لااااااا ماقلتيته الله كاتب له هالشيء الله كاتب كل شيء
مرام مسكت مقبض الباب / مافيه فايده ياساره الله يخليك اطلعي ابي انام
ساره تمسح دموعها / تنامي ؟؟ تنامي وانتي 24 ساعه دموع ونوم حتى الأكل بس تتغدي وبالموت بعد ..؟ تبي تنتحري ترى النااار جزائك ؟؟
صدت مرام ونزلت راسها .. ونزل شعرها على وجهها .. ولاردت
انتظرت ساره شوي بعدها طلعت من الغرفه وسمعت صوت قفل الباب وهو يتقفل ..
دخلت غرفتها معصبه على اختها الي مو فاهمه ان كل هذا مقدر ومكتوب ..
جلست على سريرها .. ياااربي ياااربي اغفر لها ..
نزلت راسها تفكر.. ماأحد يلومها حياتها من هي صغيره عذااب ..!! ويوم كبرت عذااب .. ويوم أخيرا فرحت انقلبت الفرحه عذااب ..
أنتبهت من تفكيرها على صوت الجوال ناظرت الشاشه (( بنوته كول ))
مسحت دموعها وتنحنحت علشان تعدل صوتها ^_^
ساره / هلا بـ بنوته كول
بيان / هلا بـ عجوزه ناايس
ساره / مالت عليك وعلى الي كاتب لك نك ماتستاهلينه
بيان / هـ هـ هـ تكفييين من زينه .. اسيلووه تكتبين لها روحي تحبك
ساره ابتسمت / يازيين الي يغارون .. تصدقي بياان دايم تجين بوقتك ماادري ساحره ولا هذه موهبه
بيان / هههههههه لا ساحره احلى .. ليه وش صاير
ساره نزلت راسها وقامت تصرقع أصابع يدها الفاضيه / قبل شوي رحت لمرام وكالعاده تلقيت طرده محترمه
بيان بألم / ياعمري هي مازالت ؟؟ الى متى طيب
ساره / قلت لها يابيان قلت لها .. بس وش اسوي ياعالم ؟؟؟
بيان / ربك كريــم
ساره / ونعم بالله
بيان حبت تطلعها من جو الكئابه / انتظري لاتنسيني الي خلاني اتصل فيك علشان اقوله لك
ساره بتطنز / يعني مو لله متصله يابيان هانم
بيان بحماس / الا لله .. ولو عرفتي الي بقوله بتطيرين من الفرحه ..!!
ساره كشرت / بطير من الفرحه ؟؟ ما أتوقع ضاايق خلقي لدرجه مو طايقه نفسي
بيان بدلــع / حتى لو كان في السالفه حبيـــب القلب ..
ساره من سمعت طاري حبيب القلب نطت من على السرير وراحت تركض للشرفه بغرفتها سكرت باب الشرفه وراها
ساره بحمااس يطلع من الف سماعه / بيوووووووووونتي حبي هاه بشري عسى رجع السعوديه ..؟
بيان بدلع اكثر / شو تعطيني ياروح بيان انتي ؟؟
ساره جلست تنطط بمكانها وهي ماسكه الجوال / الي تبين الي تبين بلييييييييييييز قولي بسرررررررررعه
دفت وهي تنطط الكرسي الي بالشرفه وطااح وطلع صووت قوي لانه من الخشب ..
بيان تروعت مسكت قلبها / ساره صار فيك شيء
ماهتمت ساره لها / لا هذه الكرسي .. يالله قولي لي جاااااااااااااااااء ولاااااااااااااا
بيان/ ههههههههههههه وش ذا الحب صدق فيه بالحقيقه حب مو بس بالقصص ؟؟
ساره تسندت على الباب / آآه يابيان لو جربتي الحب بتعرفي انه حقيقه قلبك طااااير من الفرحه والألم بنفس الوقت .. قلبك داايم عايش حالة شوووووووووق .. تحسين انك تطيرين ماتمشين على الأرض آآه وش اوصف وش اخلي
بيان طبعا مافهمت شيء وحطت بعفويه طرف صبعها بفمها .. وش تقول هالهبله ..؟؟؟
ساره تكمل / بيان ماكنت اعرف معنى الحب الا لمــ ..
قاطعتها بيان قبل ماتكمل / بس بس قلتيها لي طول الست سنوات الي كان مسافر فيها ..(( حطت يديها على خدها وكملت بشاعريه وصوت رومانسي )) ماعرفتي الحب الا لما شفتيه بالصدفه وماصدقتي ان كل هالزين ببشر آآه وحبيتيه بس هو مايدري عنك زين اذا عرف اسمك ووو ..
قاطعته هالمره ساره بعصبيه / مالت عليك انا ماقلت زين اذا عرف اسمي نسيتي انه ولد عمي ..؟
بيان / لا مانسيت .. لكن لاتنسي انه ولد عمي واعرفه من دخل ثانووي وهو مايتعدى الكتااب والأبتسامه اختفت وصار ثقيل دم بشكل مايطااق .. وجدي بكل الأوقات .. بدون مرح بدونــ ..
ساره صرخت / بسسسسسسسسسس ياحلوه بكل عيووبه .. والحين بتقولين لي جاء السعوديه ولا بسكر ..
بيان عصبت / مالت عليك سكري يالله بااي
ساره برجاء / لا لا امزح حبي وربي احبك بس انتي ارحميني ..
بيان رفعت حاجبها وهي تنقل الجوال ليدها الثانيه / ايه تعدلي .. ومدامك عارفه ان الجواب هو انه راح يكون خلال هالدقايق بالسعوديه ليه تسألي ..؟
ساره / واااااااااااااااااي اخييييييييييييييييييييييرا ياقلبي يابيووني حسبته بيأجل رجعته .. مو هو مخلص من الأسبوع الي فات لكن يقول ولا مره شاف نيويورك طول هالست سنوات زين بسبب دراسته ويبي يشوفها ويمتع نفسه مع اغلى اصحاابه ..
بيان حطت يدها على راسها / ول ول ول .. من وين جمعتي كل هالمعلومات
ساره نزلت راسها حياا / من روووحي اسوووله
بيان / هـ هـ هـ والله مو روحك من خير .. لانك تاخذي منها معلومات وهي الغبيه ماتحس
ساره عصبت / بيانوه وبعدين خليني اروح الحين افكر وش بسوي .. من زمان ماشفته ولازم اشوفه اليوم .. بعد ما أوصل ريوومه بيت خالوو
بيان تهز راسها تتحمد / الحمدلله يااربِ الحمدلله .... المهم تدرين اذكره وانا عمري 10 سنوات كان عمره تقريبا 21 سنه وكان دايم يقايضني وانا اعصب وهو يستهزء فيني مالت عليه ماعنده رحمه مع انهم يقولو حنووووووون
ساره بصوت يشبه الصراخ / وربي حنووون بشكل ماتتصوري اسيل دايم تعلمني عن مواقفه معهم اذا اشتاقت له وتبي تتذكره .. وبعدين لاتقولين لي ماشفتيه من عمرك 10 سنوات..؟
ابتسمت بيان بسخريه / احلفي ياشيخه ؟؟ يقالك انتي شفتيه اكبر يعني هههههه تراه سافر يوم كان عمري 12 سنه يعني شيء طبيعي مااشوفه سنتين وهو مشغول بالدراسه ولاينشااف ..!!
ساره حمرت خدودها / مممم معك حق بس على الأقل انا شفته وعمري 13 بدخل 14 يعني كبيره وعرفت معنى الحب
بيان / تبين الصدق انتي ماطحتي بحبه الا من هالصور الي توريك اياهم اسوله .. هي قصدها تعرض لك صور العايله وانتي تركزين على حبيب القلـــب ..!

في نفس الوقت وفي مطار الخبــر ..
كانت الطياره على أرض السعوديــه .. وكانوا الركااب ينزلون منها ..
الكل يدور اهله ويسرع يسلم عليهم ويضمهم .. ماباقي بالطياره الا أشخاص قليل بدوا ينزلون ..
نزل من على المدرج بخطوات واثقه .. خطوات مغروره .. كان رافع راسه وهو يمشي وكأنه سيــد الكل ..
لابس بنطلون جينز وبلوزه نص كم سماويه .. ونظارات تعود انه يلبسهم طول الست سنوات الماضيه سواء بالنهار او بالليل ..
مغطي شعره الأسود الناعم بقبعـــه سماويه .. وماسك بأحد يدينه شنطه دبلوماسيه تدل على انه رجل اعمال اكثر من اي شيء ثاني ..
اول مانزل من على المدرج تقدم ثلاث خطوات ووقف .. جذب الهواء له بقوووه .. وتنهد ..
من زمااان عنــك وعن هواك يا بلادي ولا أي مكان بالعالم يعوضني عنك
ابتسم أبتسامه نادر ماكان يبتسمها ايام الدراسه ..
مشى يستلم أغراضه .. ولفت انتباهه طفله تلعب بـ لعبتها .. تذكر طارق الي يوم سافر كان عمره 9 سنوات
ممم يمكن نساني ويمكن لاا ..
رجع يبتسم وأرسل بوسه بالهوا للطفله الي عمرها مايتجاوز خمس سنوات تقريباً ..
مشى في طريقــه يوم شاف ابوه بين النــاس .. أما الطفله ظلت تناظر فيــه بخدود حمراا وبأستغراب ..
ابو الطفله / شهد تعالي حبيبتي هنا لاتضيعي بهالزحمه ..
ام شهد / اقول ناصر مو كأن الرجال هذا شاعر ..؟ مممم فزااع ..؟ او محمد السهلي او شيء من هالقبيل ؟؟
ناظرها ابو شهد بأستغراب وتحولت نظرته لغضب / اقول انتوا يالحريم من تشوفوا واحد زين شبهتوه بـ هالثنين (( وقلد صوتها )) شيء من هذا القبيل (( رجع لصوته وبقووه قال )) هذا شكله لبناني ياذكيه يالله جيبي بنتك خلينا نمشي ..
\
الساعه 8 المساء /
دق جــرس باب بيت بو ثامر بأصرار وتواصل ..
غلا / بيان شوي وراجعه لاتسكري بعد دقيقه كعادتك ..
بيان متملله من سالفة غلا / اوووووف بسرعه غلا مو فاضيه توني معطله ابي احلل هاليوم ..
غلا معصبه / اوووص اقول
حطت التلفون وراحت تركض ترد على الباب
غلا وهي تلهث / مين .؟؟
جاها صوت رجولي / افتحي الباب..
غلا (( وش يبي ذا افتحي الباب مين هو ؟؟ )) رجعت تسأل / مين طيب ؟؟ افتح الباب وبس .. حلا هو؟
ساره / هههههههههه هذه اكيد غلا دفشه ماتدري من هو الرجال وتصاارخ عليه (( دفت فيصل )) شوي فيصل .. غلا افتحي هذا انا ساره بنت عمتك ياهبله .. اعلمك بعــد بعمري ولا خلاص
غلا دق قلبها يوم قالت اسم فيصل / ها ؟؟ سوير ؟؟ آم سوري ..
دقت الزر الي يفتح الباب .. ولفت ويدينها تنتفض .. وششش سويت ؟؟ وش فيني دفشه كذا وش بيقول فيصل عني الحين؟
دخلت ساره من باب الصاله وريم وراها
ساره ترفع يدها لراسها مثل الشرطه / سلااااام بنت خالوو الهبله .. لو ماعليك أمر نادي اخوك زياد لفيصل يقول من زمان ماشافه ..
غلا / هاه ؟؟ زياد ..؟
ساره تلمس جبين غلا / اسم الله عليك غلوو وش فيك اخوك زياد تعرفين زياد غيره .؟؟
دفتها غلا بدفاشه / رووحي زين شايفتني هبله مااعرف اخوي .. لحظه بشووف يمكن طالع بعد
راحت فووق .. وساره مستغربه وشفيها ..؟
نزلت ريهام تركض من الدرج ..
ريهام / هالوووووووووووووووووووو بنااااات
ابتسمت ساره لريهااام الي خذت كل شطانة اختها غلاا
باستها على خدها ولفت ريهام لريم تسلم عليها ..
ريهام / اخباارك ياشطووره مستعده لخااامس ..؟
ساره في نفسها (( يقالها كبيره هي خخخخ ))
ريم بهدوئها المعتاد / ايه الحمدلله .. انتي ياشطوره اخبارك مستعده لسادس ..؟
ماتت ضحك ساره على اختها الي طلعت ذكيه وعرفت ترد على ام لساان ريهام ..
\
الكل متجمع بالصاله والدمووع قاااايمه بالذاات أم وليد و أم محمد (( الجده )) ..
بو وليد / خلاااص يمه .. خلاص رغد لكم نص ساعه ماخلصتوا دموع ..؟
ام وليد وهي تصيح وماسكه راس ولدها / والله ماراح اشبع من الصيااح لو جلست لبكره .. ست سنين ياوليد ماتشتاق لنا وش دعوه سمعت عن ناااس درسوا عشرين سنه بس كل اجازه يزورون اهلهم
وليد وابتسامته الي مختلطه مع دموعه / يمه لو كنت كل اجازه بزوركم كان يبي لي 12 سنه على الأقل ادرس .. كل ماشديت على نفسي كل ماخلصت
ام محمد / بس ياولدي قلب امك يتقطع كل يوم .. وقلوبنا مثلها وانت تدري انك بكر ابوك اكيد بيفقدونك .. الضنا يبقى ضنا حتى لو كبر
وليد يبوس راس جدته ولا عشرين مره من وصل / ياجده وش اسوي ابي اخذ الشهاده وارجع افرحها .. والحمدلله الحين بجلس معها طول العمر لا مسافر ولا شيء ..
ام وليد رجعت تصيح زياده وكنها تذكرت شيء / وش بتجلس وانت سفراتك للشغل بتبدأ اكيد .. غير الزواااج الي ان شاء الله ماتخلص هالأجازه الا انت مكون لك بيت .. خلاص كبرت بتدخل 30 وانت اعزب ..!!
بو وليد / هههههههههه الحين وليد يتمنى انه مارجع بتبدأ تمثيليات الأمهات ههههههه
اسيل تمسح دموعها الي ماوقفت / ههههههههه توه راجع امي
وليد ضام طارق / هههههههه ولايهمك يمه بكره بخطب آمري بس ههههههه
خالد / ترى تصدق امي بكره تروح تخطب لك افضل تتراجع بقرارك هههههههه
الكل / هههههههههههههههههههههههههههه
ام وليد تمسح دموعها / ايه صدقت بكره بخطب له ..
روابي تحرك يدينها تمثل / ياسعد حظك ياخوي رجعت بشهادتك من غربتك وتلقى عروستك تنتظر اليوم الثاني
الكل / هههههههههه
خالد / بس تصدقون الغربه خففت دمه ماكانت ضحكته تبين يوم كبر
وليد خزه / بدينا نقايض من اول يوم ؟؟ ماأسرع عبرت عن شوقك
اسيل / ههههههههههه شوقه خلص من كثر ماااا ....... (( وحطت يدينها على فمها ))
وخالد مسك مخده الكنب وضربها فيها
وليد / هااا ليكون تزوجت ولاحبيت من ورانا
خالد خزه يعني اسكت وانت عارف من أحب
طارق رافع راسه وهو يناااظر في وليد ..
بو وليد / تصدقون طارق من جااء وليد ماتكلم بس يتفرس بملامح اخوه ياعمري شكله نسااه
ناظره وليد بحنانه الي افتقده طارق .. حس ان طااارق بيبكي .. فضمه بقوه وهو حاس انه هو الي بيبكي
الكل تأثر على هالمشهد .. وقفت روابي تبي تغير الجو وهي تمسح دمووعها / ولوودي حبيبي .. كنك ماسألت عن عيالي الي ماشفتهم ولا مره هاه (( وحطت يديها على خصرها وسوت انها معصبه ))
وليد ترك طارق ورفع راسه وناظر روابي والكل يضحك / ياعمري توني بسأل بس لساا ماشبعت منكم
روابي تغمز / عليييييناااااا
وليد وقف مبتسم / فكينا من حركاتك وصرقعتك الي ماتغيرت حتى يوم كبرتي وروحي جيبي نايف ونوف (( لف يناظر اسيل )) اسيل لاتصيري مثل اختك وتجيبي ثنين في ست سنوات زواج .. زين ؟
اسيل حمرت والكل قام يضحك وروابي عصبت رمته بمخدة الكنب ..
وليد تفاداها برشاقه ..
روابي / عادي ست سنوات ينااسب اجيب ثنين .. يعني لو انك متزوج يوم سافرت كان رجعت لنا بثلاثه مو ثنين (( حركت حواجبها على فوق وتحت ))
وليد / ههههههههههههه كنت بقول لأمي تدور لي على زوجه بس ذاك الوقت الكل منشغل بزواجك .. وانا معهم .. ماأبي اسافر الا انا متطمن على مستقبلك هههههه
روابي / ايه ايه ياعمري متطمن على مستقبلي وهو راح وخلاني
خالد / ههههههههههههه صادقه
ام وليد / يالله روحي جيبي عيالك روابي بس سوالف
روابي كشرت / حرام عليك يمه مشتااقه لأخوي
قرب منها وليد وباسها على راسها ناظرها بعيون سودا كبيره لامعه / وانا مشتااق لك بعد ومشتااق لكم كلكم ماأدري كيف قدرت على بعدكم
ام محمد / المهم ياولدي انك رجعت بفرحــة نجاحك وحصولك على الدكتره ..
خالد واسيل وروابي ماقدروا يمسكون نفسهم واضحكوا على جدتهم من قلب
الباقي خزوهم وقال ابو وليد / الدكتوراه يمـــــه
ام محمد خزت الي ضحكوا / المهم كلمه تدل عليها
روابي راحت تركض للدرج وهي تضحك / صادقه جدتي بروح اجيب نايف ونوف

\

بيان / ولاهمس ولاكلمه ياقليلة الأدب دقاايق وراجعه وبالنهايه ساعه الا ربع هاه
غلا / وربي نسيييييييييييييييييييت ناديت اخوي زيااد لفيصل وجلست اسولف مع ساره لانها بتروح عند اسيل تقول مشتااقه لها .. بس حبت تسلم علي وتشوف اخباري .. وقالت لي اذا خلصت ريم ادق عليها تجي تاخذها
بيان يوم سمعت طاري روحت ساره لـ أسيل راح غضبها ..
بيان / بتروح عند اسيل ؟؟ (( وبصوت واطي كلمت نفسها )) شكلها ناويه على شيء
غلا سمعت الي قالت بيان/ وش ناويه عليه
انتبهت بيان / ها؟؟ ولاشيء ولاشيء .. وانتي الحين خلصتي ولاعندك اسئله عن تهاني بعد
غلا عصبت على برود بيان / وبعدين معك من قبل الأختبارات وانا اترجااك تحاولين تاخذين من اختك ضي شيء عن سالفة تهاني وانتي مافيك فايده ؟؟
بيان/ انتي هبله اساسا .. ولا ليه تشكين في تهاني مثل هالشك .. يمكن كتبت ذاك الكلام بالمذكرات كذا بس زينه ..
غلا تطنز عليها وهي تقلد صوتها / زينه ...... اقول انطمي بس .. لو انك تسمعين كلامي وتستخرجين كلام وأخبار كان حليتي مشكلتي بس انا الغلطانه مضيعه وقتي يالله باااي..
بيان / والله اختي ضي واعرفها ماراح تعلمني بشيء فيه اسرار لصديقاتها .. ويالله بااي مابغيتي ههههههه
سكرت غلا من صدقها متضاايقه ..
ناظرت بيان السماعه .. وش فيها ؟؟ يعني معقوله تهاني تسوي الي كتبته بمذكراتها ؟؟
مممممممممم ياااربِ انا لي اشغل بالي واعرف ان غلا خبله وتظن بأي شيء يخطر ببالها
مسكت جوالها ودقت على (( تتحدوني في حبها ..؟ ))
جاها صوت نايم ..
/ ا .. الو..وو
بيان / صباح الليل على اكبر دبة نوم بالعالم العربي كله
بصوت كله نوم / نعم وش تبين
بيان / ينعم بحالي يارب ابيك تجيني بكره ياقلبي انتي وعبير فقـــط ابي انفرد فيكم من زمان عنكم ..
ببلاهتها المعهوده وهي نايمه / هاه ؟؟
بيان بصرااخ يقوم الي نومه ثقيييل / شيمااااااااااااااااااااااااااااااااااااااااااااااا ااااااااااااااااااااااااااااااااء
شيماء نطت من سريرها بخوف / بسم الله من ماات ..
عصبت بيان .. ياناااااااااااااس شسوي في هالهبله ..
بيان / مامات احد قلبوووو .. بس شكلي بموت احد في بالــي ..

\

وقفت السياره عند بيت بو وليــد ..
ناظرت في البيت وقلبها يدق بقوه .. لفت تناظر اخوها الي نام من اول ماركب السيااره .. ياااربي وش اسوي في هالدب ..
اقومه من النوم في البيت .. ينام بالسيااره .. ناظرت السواق / اقبال .. عطني علبة المويه الي حاطها انت قدام للسياره
نزل اقبال يده يدور عليها .. وقالها / في يبي صغير ولا كبير ؟
يوووووه ياليت من يقتله / يعني وش رايك بقدر اشيل الكبيره ؟؟ عطني الصغيره
عطاها اياه .. وخذتها وفكت الغطاااء وصبت بيدها شويه مويه ورشته على اخوها ..
فتح عيونه متفاجىء بخوووف / وجع سوووووووير ماتعرفي تتكلمي
ساره ببرود / لأني عارفه انه مافي فايده لو اصارخ من اليوم لبكره .. (( لفت تناظر البيت )) يالله وصلنا
فارس / اوووووووووف .. قلت لك ماأبي اجي فيني النوم وفي نفس الوقت ماأحب طارق كثير يسوي نفسه اكبر مني ..
ساره عصبت عليه / يعني اجي مع السواق لحالي ..؟
فارس يمسح المويه عن وجه / لا كان ماخليتي فيصل ينزلك البيت قلتي له لو سمحت ودني بيت عمي ماارح يعاارض ..
ياويل حالي على هالأخو .. مايدري ان هو عذري الي خلاني اجي هنا
ساره تدفه ينزل / يالله لانتأخر .. ماكنت قررت اجي الا يوم مشى فيصل .. يالله انزل
نزل فارس معصب .. ودقوا الجرس وفتحت لهم الخداامه ..
ساره / وين اسيل ميري..؟
ميري / كلووو في يجلس في صاله
ناظرت ساره باب الصاله وانتفضت .. يالفششششششله متجمعين وانا اخرب جمعتهم ممممممم وش اسوي مممممم
ناظرتها ميري بنظرات أستغراب / مافي يدخل ماما ؟؟
ساره انتبهت لنفسها / هاه ؟؟ الا بس نادي اسيل قولي لها ساره برى ..
ميري / تيب
بعد دقيقتين طلت اسيل من باب الصاله تصرخ لساره / سوووووووووووووووير تعالي عادي مافيه غريـــــب
يووووووووه هالمرجوجه بتفضحني .. ماحست الا بفاارس يدفها من ورى
فارس / يالله تحركي وش فيك خايفه ولا جايبتني اناظر بالحديقه كأن ماعندنا حديقه بالبيت
ساره خزته / انطم
راحت لأسيل وسلمت عليها .. اسيل / ادخلي حيااك سلمي على ابوي وجدتي .. ووليد توه جااي سلمي عليه وربي تغير اخوي صاار يجنن خخخخخ اسوي دعايات له
لو تدرين ان مالي حاجه للدعايات .. بدون شيء أحبـــــــــه ..!!
جرتها أسيل من ذراعها ودخلتها داخل ..
دخلــــــــــت وكل شـــيء بالنسبه لها توقــف .. كل نبــض فيها توقف .. الأوكسجين توقف ماصار يوصل لها ..
بس طاحت عيــنها بعـــيون .. قليل عليها أســـــم " عـــذاب "
\
الساعه 4 العصــر اليوم الــي بعــده /
كانت مستــعده لأستقبـــال أغلى صديقتين عندها ..
مسويه حوووسه بالمطبخ .. وطلبااتها كثيــره على أخوانها ..
رمى الأغراض على طاولة المطبخ وهو معصــب / خلصت طلباتك يا آنسه بيان ؟؟
بيان وهي تفتش بالأغراض / مانسيت شيء من الي قلت لك ؟؟
هز راسه مثل الهندي / لا ماما .... الحين ورى ماتقولي للسواق يعني جايبينه زينه للحياه الدنيا ؟؟
بيان تناظر أخوها بدلع / افاا ميشوو تخيل أنــــا اطلب من السواق واخوي بعد قلبي موجود
ماكملت جملتها الا حمد داخل مبتسم / وهــذا باسكن روبنز وصـــل
مشاري يناظر حمد مستهزء / احســك موصل لباسكن روبنز .. ماتجيب غيره
حمد يصلح كلام مشاري / قصدك عااشق لباسكن روبنز ..
بيان / يابعد عمري اخوي .. تعلم مشاري .. شوف جاب الأغرااض وهو مبتسم
عصب مشاري وتوه بيمسكها تخبت ورى حمد ..
حمد / هههههههههههه كل شيء ولا بي بي
مشاري / مالت عليها العصله قبل شوي تدلع علي والحين تعايرني .. والمشكله اني جبت لها كل الطلبات ..وانت باسكن بس (( وكش عليها ))
دقــ الجرس قبل ماترد بيــان وراحت تركض تفتح الباب وهي تضحك
حمد يناظر مشاري وهو مبتسم / يا أخي دلع أختك بكره تتزوجك تشتاق لها
تسند مشاري على الطاوله ورسم بسمة أستهزاء على فمه / شكلي ماراح أتزوج وشباب العايله كلهم أكبر مني وعـــزاب..!!

\
ضمــــــت شيماء بقوه لدرجه فقدت تنفسها ..
عبير دفت شيماء وبيان / بس بس وجع دوووري ولا والله ثم والله ثم والله لأرجع
بيان لفت لها وضمتها بقوه أكبر / اوف اوف اوف كل هالحلوف علشاني ضميتها .. طيب اذا ماخنقتك ..
عبير بالموت تتكلم / آآآه خلااص خلاااا ص بيااااا ن ..
شيما / هههههههههههه أحســــــــــــــــــن

\

تكتب وتكتب وتكتب .. أبد ماملت من كتـــابه الخواطــر ..
آآآه ياقلبي .. ودي أصرخ حبيبــــــي رجـــــــع ..
بس حســـافه هو بالخبــر وانا بالريـــاض .. رمت القلم وقامت تغــير الشريط بالأستريو ..
حطت شريط عبدالمجيـــد عبدالله الفنان المفضــل عندها ..
وكانت اغنيته (( الزيــن يفرض نفســه )) ..
رقصــت على أنغامها وكأنها ماسكه حبيبـــها ..
(( والغالــي اصله غالــي .. والزين يفرض نفسه ..
الغالي أصلــه غالــي .. والزين يفرض نفسه ..
أصلاً انا مجنونك .. ريح نظيـــــر عيونك ..
أطمن ياحبيبي .. مافيهم يشبــهونك .. مافيهم يشبــهونك
أنت حبيبي الجلســه .. بدر الغرام وشمســه ..
والغــالي اصله غالي .. الزيــن يفرض نفســه
أنت الجمال وتــاجه .. وأنـــت القمــر وسراجه
وانت الذي محتاجــه .. ياحاجتـــي لــعيونك
حبــك .. حبــك هـواي العذري .. حظــي .. سعـادة عمري
ادري حبيــبي ادري .. أني حبيب عيـــونك .... ))
سكــتت الأغنيــه فجأه لفت شافــت بنت أختــها شـالت الســلك ..
عصبــت عليها / رنــدا ؟؟؟ ليه تشيليه ..؟
رندا خافت / آثـفه خالتي .. بث تيته تبيــث ..
ياااربي وقــتك يا أمي ..؟
ناظرت بنت أختها وأشرت بيدها يعني أطلعي / خلااص قولي لها جايه بعد شوي ..
لفت رندا وطلــعت ..
ياااااااربــي متى أتزوج حبيبــي وأرجـع الخبـــر ..!!
اوووووووف بس شكله مو حــاس فيني .. لا .. مره قالي انتي بتصيري زوجتي .. وهو ماقالها مزح ..
ماقـــالها مزح ..
أبتسمت على كلماتها وسكرت مذكراتها .. وتوجهت لسريرها .. طلعت من تحت سريرها صندوق فتـحته وطلعت صوره ..
حطتها عند عيونها .. كنــت صغــيره وهو يدري انه بتصــرفاته علقني فيــه .. هو يتحمل مسؤليــه تصرفاته ..
بــاست الصوره ورجعتها .. قامت وسكرت اللمبات بعدها سكـــرت الباب .. و " أحــلامها " تكبــر ..
\

بيــان / خلاااص اسيــلوه من دخلتي علينا وانتي تسبيني .. قلت لك انتي فرحاانه بأخوك يعني كيف اناديك ..
عبير / هههههههههههههههه قصدك تسبينا مو بس انتي سبتك ..
شيماء / المشكله ان حنا بنروح الحين البيــت وهي توها تفضى تهاوشنا ..
اسيــل واقفه عند تسريحة بيان وتحوس بالأغراض / لا بسبكم لو كنتوا بالشارع .. يعني الله ياخذ بليسك بيانوه بنات عمك ماتقولين لنا .. تعرفين اننا طفشانين مثلك .. على الأقل انا بس ..
ابتسمت بيان بتطنز / يعني انتي غيـــر لو عزمتك بعزم الكل وانا ابي انفرد بعبير وشيماء .. لأني داريه اني بشوفكم 24 ساعه بالعطله
أسيل لفت لها بقوتها / مالت عليك توك تدرين اني غــير ..؟ انا كنتــي ماتحبين احد غيري بس معليــش يجي منك أكثــر ..
عبير / خخخخخخخخ هدو هدو يابنات ..
بيان / اسيلووه اعترفي انتي جايه تاخذين من ضي شيء مو جايه لي صح ولا ..؟
اسيل خزتها على جنب / ايه جايه اخذ من ضي دي في دي وأنصدمت يوم قالت شويم وبع بع سهرانين عندك
شيماء / اسمـــــي شيمــاء
عبير / وأسمي عبير .. لو سمحتي لا تشوهي اسمي
أسيل / أنطمــوا
بيان تناظرالساعه / تو الساعه عشر اجلسي يالله معنى
حطت أسيل يديها على خصرها/ نعم نعم نعم .. لا يأختي انا بنت ابوي ماأجي بدون عزيمه وبعدين اخوي خالد مسكين ينتظرني .. والخوات بيروحون الحين
بيان / اول شيء بيت عمك هذا مايحتاج عزيمه .. ثاني شيء اخوك خالد جالس مع أخوي حمد مثل ماقلتي اول ماجيتي .. ثالث شيء مو على كيفهم يروحوا الحين
شيماء / لا ياقلبي اخوي محمد بالطريق جااي
عبير / وانا اخوي عبدالله بالطريق بعد ..
اسيل انتبهت / الا صح عبير متى زواج اخوك
عبير تكلمت بحمااس / بعد شهر تقريبا ترى كلكم معزومين
شيماء / احس العرس عرسها هي بس تكذب علينا خخخخخخخخخخ
بيان / صادقه خخخخخخخ كفك شيمااء (( ضربت كفها وكملت )) بس صدقت انه عرس اخوها يوم شفت البلوتوث الي لما الحين حاطته ..
شيماء / لما يجيب أخوها عياال وهي بتظل حاطته ههههههههه
عبير ماعطتهم وجه / ماعليك منهم ترى العرس عرسكم من الحين يعني استعدوا له ..
أسيل / هههههههههه طيب .. انا بحظر عرس اخوك وانتي وشيووم تعالوا عزيمة اخوي وليد ابوي سواله عزيمه بمناسبة رجوعه .. بمزرعتنا
بيان يوم سمعت اسم وليد تذكرت ساره .. اكيد امس راحت لهم .. كان ودها تسأل أسيــل عنها بس خافت لاتشك اسيــل ففضلت تسكت وتسأل ساره بكره وش سوت ..
بيان / الا صح اسيل متى العزيمه ..؟
أسيل تفكر / مممممم تقريبا بعد 4 يام ..
وقفت بيان من الصدمه / يوووووووه تو الناس لسا ماتجهزنا وانتوا بتعزموا كل الي تعرفوا
ناظرتها اسيل من غير اهتمام / ايه عادي يكفي اربع ايام .. وشيء طبيعي ابوي يعزم ناس كثيييييره كثييره بعد .. لأنه فرحان بأخوي وبنفس الوقت يبي الكل يدري برجوعه (( وبأبتسامه خبيثه )) ولا تبين تتكشخين علشان تنخطبين ..
ضربت بيان أسيل على راسها ..
شيماء وعبير / ههههههههههههههههه
فتحت ضي باب غرفة بيان وطلت براسها ..
ضي / ياجماعه ترى اخو شيماء على الباب .. وخالد يقولك انزلي بسرعه اسيــل .. لأنه طلع برى عند السياره ..
قامت أسيل وشيماء ووقفت بيان / يوووووووووووه مابعد أشبع أجلسوا شوي
أسيل / لاتدخليني بالكلام .. قصدك ماشبعتي من شيمااء
بيان تكشها / مالت عليك حتى انتي ماشبعت منك ..
أسيل / ايه صدقت ..
وقفوا يسلمون على بعض .. وعطت ضي أسيل الشريط الي تبيه ..
ضي / سلمي اسيل على عموو ومرت عمي اوكي .. وانتي شيماء سلمي على لجين وماماتك ..
شيماء / اوكي قلبي ..
أسيل / يوووصل ..
ضي / اوصلكم للباب ..؟
أسيل / لا وش دعوه .. أنا اوصل شيووم اجلسي انتي مع عبير بتروح الحين ..
طلعوا وسكروا الباب ..
تو أسيل وشيماء بينزلون .. الا فجأه طاحت أغراض شيماء من شطنتها ..
شيماء / يوووووووه نسيت لاأسكر شنطتي ..
جات اسيل بتساعدها .. شيماء / لااا اسيل مايحتااج روحي لأخوك لايعصب بجمعهم وبنزل ..
أسيل / اوكي اجل اشووفك على خير .. بتصل عليك اعزمك خصيصا انتي والوالده ولجين على عزيمة اخوي ..
أبتسمت شيماء وهي تسلم على أسيل / ان شاء الله قلبي ..
راحت أسيل ووقفت شيماء وهي تسكر شنطتها ..
نزلت من الدرج تخطر درجتين بعادتها المرحه ..
وتوها بتطلع من باب الدرج الي يطلع على الصاله الا صدمــــــت بشيء ..
آآآي ياربي وش سالفتي اليووووووووووووم ..
كانت بتطيح الا مسكها احد بقوووه من كتوفها وطاحت شيلتها من قوة المســـكه من راسها للأرض ..
جاها صوت متوتر من الخوف عليها / تأذيتي أختـــي ؟؟
رفعت شيماء عيونها بخووف / آآ ...
ماتت الكلمات بلسانها يوم أستوعبت الصوت .. صوت حمد أخو بيان الي وصلها ..
فكت نفسها من يدينه بسررعة البرق .. وخذت شيلتها من على الأرض وغطت راسها وهي تركض لباب الصاله ..
أختـــفت من عيــونه ..
لكنــه ظل مركز بعيونه على الباب الي طلعت منه بدون مايــحس ..
رفع يدينه وضمهم مع بعض عند فمه .. وهمس بصوت شبه مسموع (( هذه ميـــــــــن ..؟ ))
\
\
نهايــة الجزء الثــالث ..

تفصلــهم أربع أيام عن العزيــمه الي بتجمــع كل العايله .. معقوله بتمــر مثل أي يوم أو فيه أحادث بتصير فيها ..؟

\
راح تتعرفوا على الشخصيات شوي شوي ..
والجــزء الرابــع ان شاء الله أحلـــى ..

>> الجــزء الرابــع <<
تقلبت في سريرها الواسع بمـلل .. مو عارفه ليه مش راضي يروح وجهه عن تفكيرها ..
ردة فعله قبل امس توضح شعوره تجاهها .. يعتبرها بنت عمه وبــس .. وهي طول أمس تفكر فيه وتحلل حركاته وتصرفاته ..
وش جاها ..؟؟ ليه تحبه اساسا وهو ماكان قريب منها كثير وهي صغيره ..؟ ماقال شيء يخليها تحبه أصلاً ..
الحــب كذا .. يجي فجأه من غير سبب ولا وش السالفه ..؟
مسكت راسها بيديها بقووووووه .. تبي الأفكار تهدأ براسها .. ماتبي تفكر أكثــر من الي فكرت فيه أمس ..
طول عمرها تعصب بسرعه .. بس مو مثل الحيــن .. الحيــن ودها تاخذ قلبها وتفصله عن جسمها .. بس المهم مايدق بقوه اذا شاف وليــد..!
رجعت بذاكرتها لقبــل أمس اول ماطاحت عيونها بعيونه ..!!
\
أسيـل / ادخلي وش فيك واقفه ..؟
بو وليـد / هلا والله ببنتي ساره تفضــلي حيااك ..
ساره ارتبكت / هـ هلا عمي الله يحييك .. آسفه أزعجتكم بس .. (( مسكت فارس من كتــفه )) فارس طفـش وقال يبي يشووف طارق
فتح فارس عيونه على آآآآخر شيء وهو يناظرها .. وصاار يشبه فهد وهو مفتح عيونه كذا .. ضربته ساره بكوعها .. يعني ألعب الدور
أم وليـد / وش دعوه ساره ..؟ تزعجينا والبيت بيت عمك .. حيااك ادخلي مع أسيـل وهذا طارق طفشان بعد يونسه فارس ..
طارق خز أمه .. وقال في نفسه (( من قال طفشاان وأخوي ماشبعت منــه ..؟ فاضي لهالبزر ))
ساره أبتسمت ودخلــت داخل الصاله عندهم علشان تسلم على جدتها وعمها وزوجة عمها .. بعدها سلمت على روابي وباست نايف ..
لفت تدور نوف .. شافتها عند خالها وليــد .. طاحت عينها بعينـه شافته مبتسـم لها .. واااااااي وليــد يبتسم ..؟ أخيــراً
يااربِ كيــف أستحلى وش ذا القمـــر ..؟
سمعت صوته المميــز الي ابد ماراح تنســاه / أخبارك ساره ؟ وأخبار عمي ومرت عمي ؟ وفهد وفيصل من زمان ماكلمتهم وش مسوين ؟
روابي برجتها كالعاده / بشوي شوي على البنت كلتها اسأله خخخخ
حاولت ساره تبتسم .. وليــد يكلمها .. بس ماقدرت من النفضــه الي في كل جسمها ..
ساره بصوت متقطع خافت / الحمـ ـدلله كلهـم يـ يـسلمون عليـ ـك
وليد رد وهو يلعب نوف / الله يسلمهم .. يبــه انا بمر على عمامي وبســلم عليهم واحد واحد
أم محمد / عمامك وعيالهم كانوا يبون يجون المطار مع ابوك .. بعدين قالوا جو عائلي مانبي نخربه
ابو وليد / ايوا والله متقطع قلبهم عليــك
وليـد واصل ابتسـامته الي الظاهر صارت جزء منه من اول مارجع لأهله ولوطنه / وانا قلبي متقطع عليهم بقوم أريح علشان بكره اروح وأسلم عليهم بنفسي .. هذا واجبــي ..!!
\
أنتبهت من أفكارها على صوت الجوال .. شافت الشاشه وردت وهي تحاول تبتسم ..
ساره / هلا والله .. أنا قايله انتي ساحره .. تتصلين بوقتــك ..!!
جاها صوت بيان المرح / هههههههههه أدري من كنتي تفكرين فيه بهالوقت ..؟
رفعت ساره ساعتها تناظرها / يووووووه توني قايمه والساعه 2 الظهر .. ؟ نايمه من الساعه 12 بالليل ..؟
بيان / هههههههههه النوم غدااار
ساره بأستهزاء / أحلفي ياشيخـه ؟ البحر غدار مو النوم
بيان / مايهم .. المهم من كنتي تفكري فيه ..؟
ساره / آآه يابياان قطعتي علي وأنا أفكر كيف قام وسلم على الكل وحتى نظره ماعطاني .. جلست أسيل تسولف وأنا ماسمعت ولاشيء تقوله .. بالنهايه قالت لي فيك شيء .. قلت لا بس لاني مانمت .. ياااربي ماادري أحس أسيــل ماصدقت ..!!
بيان مافهمت شيء / هيه هيه .. قولي لي من أول مو تجيـبـي لي آخر السالفه .. أخلصي كلــي أذان صاغيـــه ..!!!!

\
كـان صوت الزفــه عالي بغرفتها .. وماسكه ورده بيدها .. وحاطه شرشف أبيــض على راسها على أنه الشرعـه ..
ترقص بهدووء مع خيــال حبيبها كـ العاده .. فتحت أمها الباب معصبه ..
أمها / وبعدين يعني أزعجتي الكل بهالزفــه ..؟ من صدقتس تتخيلي هذه زفتــتس ..؟ شكلتس بتعنسي بتسبدي ..!!
لفت وهي ترمي الورده معصبه على أمها / يمــــــه ..!! وش فيكم تقطعوا علــي أحلامي ..؟ اول شيء رندووه بنت بنتك والحين أنتي ..؟
أمها / أقول ...... أعقلي وشيــلي من راستس فكرة الزواج من رجال بالخبــر بتتزوجي من الرياض فاهمه ..؟
ردت على أمها بعنااد / زواج من غير الي في بالي ماراح أتزوج .. وأنتي تعرفين ان اصلي من الخبر .. ليه أخذ من الرياض ؟ بس علشان امي من الرياض يعني ..
أبتسمت أمها بأستهزاء وبقسوه معروفه بطبعها / أقول لاتنسي الي صار لزوجة أخوتس لأنها خذت واحد بعيد عن عايلتها .. شوفي الحيــن عايشــه بعذاب بيت اهلها .. لو أن اهلها كانوا قراب منها كان على الأقل ساعدوها قبل مايفوت الفوت ..
ردت بملل / اوووف يمه .. هي من أول عايشه بعذااب عند أهلها .. وهم ماعطونا اياها الا لأنهم مايحبونها ولاكان مازوجوها من أخوي وهم عارفيـن عن أخوي .. وو (( سكتت تناظر أمها )) وعنك ..
امها عصبت/ اقول بلا عني ولا عنتس .. وبستس خرابيط .. والي في بالتس زيــن الزيون يعني انتي ناظري المرايه وخذي على قدتس ..
سكرت الباب بقوه .. وبنتها تتألم من كلماتها الســم الي رمتها .. ليـه تحسسها دايم انها شيــنه ..؟ طيب انا طالعه على أهل أمي يعني هي الملامه مو انا ..!!
راح قدام المرايه وتفحصت شكلها ..كانت ضعيــفه أكثر من اللازم .. سمــراء وشعرها خفيف قصير تحت أذنها .. متموج مصبوغ أحمــر .. عيونها صغار .. وفمها ملياان .. لااااا هي مو شيــنه بالعكس حلوووووه ومملوحه .. ايه يمكن شعري انا خربته بهاللون بس أقدر ارجعه ..
أبتسـمت وبانت ملامح القساوه ..
الشيء الي ماتعرفه انها قاسيــه مثل أمها ... ويمكـن أكثـــــــر ..!!!!!
\
ســاعه وهي تشتكي لها .. بس هي وش بيدهــا ..؟ تتمنى تساعدها .. بس ماتقدر لأنه ولد عمها مو أخوها تمون عليه وتعلمه عن حبها له ..
بيان / خلااص ساره وش اسوي ياعمري .. تراك قطعتي قلبي وانتي ماتدرين ..
ساره / بيااان خليني أشكي خليني .. أنا حاسه اني بفقده .. حاسه انه يحب غيري .. انه بيتزوج غيري ..
بيان / ساره هو مايدري انك تحبينه كيف تبينه يخطبك ويتزوجك ؟؟ لازم نقول لأسيل علشان تلمح له
ساره كانت جالسه على السرير ووقفت مفزوعه / بيااااااااااانووووووووو لاتتهوري ويخطر ببالك تقولي لها ؟؟؟
بيان أستغربت / أجل كيف تبينه يحـس انك تحبيه ..؟
ساره رجعت تجلس على السرير وبصوت هادي / من قلبـــــــــه ..!!
\
نزلــت من الدرج وهي تدندن على أغنية يارا صدفـه .. ناظـرت بالصاله مالقت أحد من أهلها .. ولاسمعت صوت أحد منهم ..
ناظرت الساعه لقتها ثلاث ونص .. قريبه الساعه 2 كان الكل موجود ع الغداء ؟؟
راحت للمطبخ تشرب مويه الا سمعت صوت احد يركض جاي للمطبخ .. لفت تناااظر لقتها ريهام جايه تفحط ..
ريهام تقلد أصوات التفحيط / دننننننننننننن هووووووووووووووووع ..
غلا / الحمدلله ياربِ ما أنتي بنت .. ولــــد ..!
ريهام مسكت كاس وصبت لنفسها مويه / ايه الكل يقول طالعه عليـك .. (( ناظرتها على جنب بعدها شربت المويه ))
غلا خزتها .. ياليييييييييل صدق ام الساان .. أبتسمت .. ههههههه طالعه علي ..
راحت غلا لعند الباب بتطلع مالها خلق هوووشه او شيء ثاني .. بس وقفت ولفت لريهام الي تصب لنفسها كاس مويه ثاني ..
غلا / ريهام وين أهلي راحوا ؟؟
ريهام نزلت الكاس من يدها ولفت لأختها / راحوا يتمشوون .. ريان وتهاني يقولون طفش وامي قالت لأبوي يطلعهم ..
غلا رفعت حاجب / وأنتــي ..
ريهام تمر من جنبها / انا جالسه اتابع شريط عطتني اياه ريم لازم اشوفه اليوم وأرجعه لها علشان تعطيني ثاني ..
غلا / مو لله اجل ترجعيه
ريهام رجعت لخبالها وراحت للدرج تفحط / نوووووووووووو .. بس علشاان أخذ ثاااااني ..
يالله لك الحمد أختي ولد طبيعي مافيها طبع الأنوثه والحيااء خخخخخ مثلي وأنا صغيره ..
راحت فوق وتوجهت لغرفتها بعدها وقفت تفكر .. ممممم يمكن زياد بغرفته الحين ؟؟ اليووم أجازه عنده ماراح الدواام ..
راحت ودقت الباب .. جاها صوت عصبــي كالعاده ..
/ مييييييين ؟؟؟
غلا / أنا زيااد ممكن أدخل ..؟
زياد / تفضلي ..
دخلت غلاا ناظرت زياد على الكمبيوتر الشخصي يطقطق على الكيبورد .. لف يناظرها بوجه خالي من الأبتسامه ..
أنتفضت غلاا .. طول عمرها تخاف من زياد ولاتقرب غرفته .. وش الي خلاها تدخل غرفته الحين ؟؟
زياد بصوته الجدي / تبين شيء ؟؟
يااربِ حتى مايجاامل ويقول كيف حالك ياأختي ؟؟
غلا تلعثمت / هـ ؟ لا ماأبي شيء بس الكل طالع مافيه الا ريهام على الفديو .. قلت بما ان اليوم أجازه لك اسوولف معك شوي من زمان عنك ..!
زياد رفع حاجب / ليه شايفتني بنت تسولفي معها ؟؟ اطلعي وسكري الباب .. وروحي أتصلي على أحد من بنات عمتك ولاصديقاتك ..
تجمعت دموع غلا بعيونها .. هذا هو أخوي الكبيــر ..؟ من تزوج ثامر فقدنا جـو الأخو الكبير ومزاحـه ..!
لفت كأنها مو مهتمه .. طول عمرها كانـت تخبي خفة دمها ومقالبها وهبالها عن زياد .. لان دوومه يعصب .. ومزاجه يتغير بدقيقه ..
بس يضحك فجأه يرجع يــعبس ..
طلعت من غرفته بدون ماتناظره .. مرت قدام غرفة تهاني .. أبتسمت لنفسها بأستهزاء ..
(( بـــــس أكيد .. ماأكرهه مثل ماتكرهــه تهــاني ...!! ))
\
واقف عند التسريحه يمشط شعره الأسود الكثيــف .. بعدها لبس غترته ..
وجلس يتكشخ .. لازم يسرع لأنه بيسلم على كل عمامه .. أمس خذاه يوم راحه بس اليوم لازم يسوي واجبــه ..
ناظر نفسه وأبتسامته الي حالفه ماتفارقه من أول ماوصل وطنــه مرسومه على وجهه ..
الثــوب يبــين من تحته عضلاته .. الي طلـعت نتيجة التمارين اليوميه بـ نيويورك ..
تعطــر وبعدها راح لسريره وجلس على الطــرف طلـع من الدرج السفلي هديــه مغلفــه ..
جـاب للكل هدايا .. وبيوزعهم يوم العزيمــه .. لكن هالهديــه يبي يسلمها ليــد صاحبتها بنفسه .,! مايبي أحد غيره يسلمها لها ..
رفـع راسه .. مو متأكد من مشاعره لحد الحيــن وهذه مشكلــته الوحيده ..!
يمـكن لأن عمره وصــل 30 تقريبــاً .. وراحت أيام المراهقه ..! بس الحب مايتغير ..
غمض عيونه وهو ينزل راسه .. بس الصراحه زينه ..! ماكنت أحبها .. بس مايــل لها .. يعني اذا تزوجتها يمكن اقدر احبها ..
أبتسم ........ هذا اذا كان فيــه شيء أسمه حب بهالحياه .. ولا بس بالقصص الخرافيه ..!!
\
تمشي بشوي شوي .. كأنها تـــوم وهو يراقب جيري .. ناظرت غرفة النوم .. شافته يلبــس ثوبــه ..
الظاهر بيرووح بيت عمي علشان يسلم على وليد معهم .. أبتسمت بمكــر ..
طيب ياميتوو ..!! أن ماطلعت الشيــب براسك ماأكون انا روابي ..
شافته دخل دورة الميااه وبسررررررررررعه رهيبــه دخلت بدولاابه وهي تمسك قارورة مويه باااارده بيدها اليمين ..
سكرت باب الدولاب .. ووقفت عنـد غترته الي متأكده انه بيلبسها .. تسمع خطواتــه بالغرفــه .. يااااحبي له .. بس ماأقدر اقاوم حمااس المقالب ..!
دق جواله .. وسمعته يرد ..
متعب / يالله انك تحييه وتبقيــه ..
فهـد / الله يحييك يارب .. وش اخبارك شمسوي ..؟
متعب / بخير جعلك بخير .. انت أخبارك وأخبار الأهل والوالده ..
فهد / كلهم بخيــر جالسين ينتظرونك الحيــن وليـد بيوصل عجــل شوي ..
متعب / جاي .. مسافة الطريق وأنا عندكم ..
فهد / يالله اجل ننتظرك .. فمان الله ..
متعب / الله معك ..
حط جواله على السرير ومشـى بيفتح دولابــه ياخذ غترته .. بس وقــف شوي .. حط أذنــه بباب الدولاب ..
وسمــع صوت أحد يتنــفس بسرعه .. أبتسم وهو يرجع ياخذ جواله .. روابي هذه ماراح تعقل من رجتها حتى لو صارت جده ..!!
طيب يامرجوجه .. تحسبني ماأعرف حركاتها .. خمس سنوات من خذتها وهي كل يومين مقلب ..
رفع جواله عند أذنه وأبتسم وهو يقول / هلااااااا بحبي هلا بدنيــــتي كلها يازين ذا الصوت والله ..
أفتحت روابي فمها وعيونها .. مو مصــدقه هذا زوجها ..؟ الي مايــعرف لشيء أسمه رومانسيــه ..؟ جااالـ .. جالـس .. يـ يـ ..
ماكملت تفكيرها الا تسمعه يرد على الي معه ..
متعب / زوجتي ؟؟ لاااااا أتركيها عنك .. تلقينها جالسه بالمطبخ تقشر بصل ههههههههههههههههههه
>> جاب العيــد ^_^
ومن غير ماتنــتظر فـكـت الدولااااب بقوووووووووووووه كانت بتكسره ..
بس توها بتنزل منه الا حســت بيدين متعب ينتظرونها شالها بسرعه على كتفـه.. كأنها عصفــور مالها وزن ..!!
ورماها على كنــب غرفــتهم .. رفعت وجهها المحمر من المفاجأه .. وشافته يناظرها بخبث وأبتســامه مرسومه على فمه بسخريه ..
متعب / أحلى مافيـــك أنك تقشرين بصــل بدولاب الغرفــه ..!!
روابي حاولت توقف وهي معصبه .. لأنه فاجأها بحركته .. طول عمرها ماأحد يكتشف مقالبها وش صار الحين ..؟
رجعها للكنب بحركه من يده وجلس جنبها ومسك ذقـنها بيده .. وخلاها تناظر بعيونه ..
روابي / يـ يـ يعني البنت الي تكلمها كــذب ..؟
متعب / لا حقيقه ..! بس نسيــتها ع الخط لحظه اجيــب الجوال تسمعين صوتها ..
روابي بعصبيه جات بتقوم / أقشــر بصل أجل ,..؟
متعب رجع جلسها / فديييييييييييت البــصل أنا ..
روابي فتحت عيونها لآخر شيء وش جاه رومانسي اليوم ..؟ / الحين انت من متى تعرف للرومانسيه ..؟
قام مارد عليها وجــاب جواله وجلس جنبها / يالله بحطه ع السبيـكر أسمعي صوتها ..
ناظرت روابي بالجوال مو مصــدقه ..
سمعت أغنية أحمد حسين (( حركاتك ))
(( نظراتك .. حركاتك .. همساتك .. لمساتك .. خلوني ارفع إيديه واقول اني انهزمت ..
وبقولها بشوق عينيه .. وبقووووووولها ........... فـ حبك أنا اتغلبت ......
بعيون حلوه وبريئه .. ترسم أحلام جريئه .. بشوفها معك حقيقه .. وأيدك تحضن أيديه ..
الحب معك عرفتوو .. وحنان الدنيا عشتوو .. وحنان الدنيا عشتوو ..
والشووق بعينك شفتوو .. ذا الشوووق سهر عينيه ..
انا وانت روحنا وحده .. والدنيا علينا شاهده .. ))
ضغط بأصبعه على إيقاف .. وناظرها نظرااات حـــب ..
روابي بهمس / مممم لا اليوم متأكده انك شاارب من كأس الحب .. ولا تبي تراضيني على تقشيــر البصــل ..
قالتها من غير ماتكشــر او تعصبــ .. تحبــــــــــــــه .. تحبــه أكثـــر من روحها ..
حتى لو مايـــعرف للرومانسيه .. يكفي يحااااول ..
أبتسم متعب وخذ المويه الي متمسكه فيها بقوه من يدها ..
متعب / تدرين ودي أسحب على أخــوك ..!!
روابي قامت بسرررعه وبأنفعال حركت يدينها بمعنى لا / لااااا لا تفشلني مع أهلك وش بيقولون .. قايل لأخوك مساافة الطريق وأنا عندك ..
قرب منها وهو يفتح غطاا قارورة المويه وبحنيــه قالها / وأنتــــــي ..؟؟
روابي تناظر بيده الي تفتح الغطاا / انا وش فيني ..؟
متعب / لاتسوين نفسك بريئه ..
أبتسمت وهي تناظره / انا لاحق علي حبـي ..
مسكت القاروره تبي تاخذها لأنها حست انه بيسوي شيء .. الرومانسيه ماراح تنزل عليه كذاا ..
بس هو سحبها من يدها بسرعه .. طلــعت منها شهقه .. وبــدون ماتحــس لقت نفسها متسبحه بالمويه الباارده
متعب وهو ياخذ غترته وجواله وبســرعه باسها على خدها وقال وهو يطلع من الباب ويضحك / من حفــر حفره لحبيـبه وقـ.. كمليها ياحلوووه ..
يااااااااااااااااربِ خدعني بهالرومانسيه .. !!! كانت معصبــه وباقي شوي تركض وراه وتقتله .. بس تراجعت وهي تناظر نفسها في المراايه حالتها حاله ..
بس لفت أنتباهها عيونها الامعه وخدودها المحمره .. آآآه ياقلبي .. هذا مايمســى (( حالــة حــبــ ..!! ))
\
هــو هنــا في بيــتهم ..!! وهي بغرفتها .. وش ذا الحــظ .. لازم اطلــع أشوفــه .. عاادي ولد عمــي ..!!
كانت تحااول تشجع نفسها أنها تطلــع بس الظاهر مافيــه فـايده كل جسمها يرتجــف ..
ياااربِ انا ليــه رميت نفسي بهالحاله ..؟ ليــــه أحب اساسا .. أظن نفسي بأوروبا أقدر أحب واتزوج .. حنا هنا مافيــه شيء اسمه حب ..
بس زواااااااج .. أفهمي ياساااره ..
دمعت عيونهااا .. ياربِ .. ياربِ ..خلني انساه .. خلني أستوعب انه بس ولد عمي لاأكثــر ولاأقل ..!!
انسدحت على سريرها وقررت تناظر فلم في ام بي سي توو علشاان تنسى شوي .. بس على طووول سكرت التلفزيون وهي تتأفف ,..
ياليييييييل وش تحب بياان بهالأجااانب ..؟
\
بعد ســاعه ..
كانت بيان مندمجــه على فلــم .. مو حاســه بنفسها ..
مسحت دموعها يوم أنتهى الفلم .. حراااام البطلــه ماتت .. ليـــــه ؟؟؟
فلم بااااااااايخ .. قامت بعصبيه وطلعت شريط الدي في دي .. ورمته بقووه مع الأشرطه بأهماال .. ماتحب هالنهايات الحزيــنه ..
تحب ان البطل يتزوج البطله وخلااص تنتهي السالفه .. مو تموت او هو يموت ..
مع أنها ماتــصدق بشيء موجود أسمه (( حــب )) تعتبره بالأفلام والقصص فقط ..
لكن بالحقيقه ..!!!
أبتسمت بأستهزاء وهي تتخيل شكلها تغني مع حبيبها مثل الأفلام الهنديه ..
هههههههههههههههههههه ضحكت بقوووه مع نفسها كأنها خبله ..
وماحست الا بأحد يدق الباب .. حطت يديها على فمها وخدودها كعادتها حمرووو بسرررعه .. فشيييله شكل أحد سمع ضحكتي ..
أفتحت الباب وشافت ضي تناظرها بأستغرااب ..
بيان / وش فيــك تناظريني كـذا ..؟
ضي / مع ميــن تضحكي ..؟
حمرت خدودها أكثر وتلعثمت وهي ترد على أختها / لا مو مع أحد بس كذاا .. تخيلت ان عندنا بالسعوديه حب مثل الهنووود .. نرقص مع حبيبنا بالملاهي هههههه
ضي فتحت عيونها أكثر .. وقربت تلمس حرارة بيان / الظاهر هذه هلوست الحراره فيك حراره صدق ..
دفت بيان يد ضي بقوه وهي معصبــه / رووحي زين قال ايه هلوسه .. ياأختي حتى التفكير حراام ..؟
سكرت غرفتها من وراها .. ومرت بسرعه من غيــر ماتحس ضي .. رايحه للدرج تنزل درجتين درجتين .. وهي تغني أغنيه من أغاني مسااري .. لأنها تموت على صوته ..
ضي أستوعبت ان بياان نزلت وقالت بخووف / بيان وييييييييييين ؟؟
بيان ماهتمت لها ونزلت من درج الجهه الثانيه / برووح أشرب مويه ..
أختفت من عيوون ضي الي لساا ماتحركت مو قادره تسوي شيء .. ماتدري وش الي مسكها ..
ضي بصوت خاايف / بس ... بس .. وليــد تحت ..!!
قالتها وهي عارفه ان ماأحد يسمعها .. مشكلتها ماتحركت وصرخت علشان تسمع بيان .. شيء خلاها تسكت ..
\

توجهت على طول للمطبخ وهي مازالت تغني أغنية مسااري ((real love ))
شافت الخداامه تسوي قهوه وشاهي وأستغربت ..
بيان / لمين هذا ريكا ..؟
ريكا / مافي معلوم بابا حمد في كلاام سوي ..
كشرت .. شكل احد عندنا .. ليكووون عمووو بو وليد .. أبتسمت بونااسه غير طبيعيه .. تموووت بعمها هذااا ..
راحت تركض تدور على اهلها بالفله الكبيــره .. راحت للصاله الثانيه جهة الحديــقه ..
كانت مسويه قرنين .. ولاابسه بنطلون برمودا مع بلوزه علااقي ورديه .. طالعه كأنها بنت بالرووضه مع وجهها الطفولي ..
طلت بالصاله ماشافت أحد .. يوووه وينهم ..؟ يمكن بالمجلس الكبيــر ..؟ او المجلس الثاني من الجهه الثانيه .. تكيسلت انها تدورهم ,, يمكن مو عمي الي عندهم ..!!
فتحت باب الحديــقه بترووح شوي تاخذ هوى بالحديقه أحسن من تجلس دايم بغرفتها ..

بهاللحظه نزلت ضي من الدرج بشوي شوي بعد ماحست بعمرها .. وأنها لاازم تتحرك .. طلت بالصاله .. يؤ ؟؟ غريبه كانوا موجودين بالصاله ؟؟
وين راحوا ..؟

بيان بس طلعت للحديقه على طول توجهت لحوض الورود .. هي الي تسقيه كل يوم .. واااو رووعه الورود عند الغرووووب ..
ضحكت يوم شافت عصفوور نازل يشرب من الصنبور الي ينقط مويه ..
كلمته بصوت عالي (( وش تسوي ياقموووور هالوقت ؟؟ يالله رووح نووووم بسررعه بيظلم الوقــت ))
ناظرها العصفور بعد ماشرب مويه .. وهي تناظره مبتسمه .. بعدها راحت تركض تبي تطيره .,. خلااص المفرووض يرووح يناااام ..
شكلها كان مرره كيووت وطفوولي .. بس طاار العصفور رفعت راسها ومدت يديها تدور على نفسها وهي تضحك ..
حست بأحد يناظرها لفت تشوف مين .. وشافت شخــص طويــل يناظرها بأستغراب وهو رافع حااجب ..
مــاعرفت شتسوي غيــر أنها تركض بسرررررررعه وتدخل الصاله وتسكر الباب وراها بقووووووووه عجيبه ..كل البيت سمع صووت الباب ..!!
حست الدمووع تجمعت بعيونها وقامت تسيل على خدودها .. ياااربِ مين هذا ؟؟ حطيت يديها على خدودها الي صاروا ساخنين من الفشيله ..
وش ذا الفشيله ؟؟ بهاللبس وهالشكل في شخص غريــب شافني ؟؟
شافت أختها ضي جايه تركض لها .. ضي / بيووووووونه وش فيك ؟؟ وش في وجهك كذا محمر ؟؟ من شفتي ؟؟
كانت ضي تطرح اسئله وكأنها تعرف أجابتها .. ماردت عليها بياان وراحت تركض للمصعد ودخلته وضغطت على الدور الثاني بقوووه ..
ضي مستغربه ؟؟ وش صاار يعني ؟؟ يمكن شافها بس مو لدرجه يصير وجهها كذا ؟؟
راحت لمجلس الحريــم .. شكل أمها جالسه هنــاك .. شافتها تتقهوى .. وجلست معها تســولف ..
\
بالحديقه نادى حمد على وليــد ..
حمد / وليـــد تعال بسررعه لقيــت مكان الصندوووق ..
تحرك وليــد بخطووات واثــقه وهو مازال يفكــر بالطفـله الي شافها قبل شوي .. معقووله عمي عنده بنت صغيــره ..؟ أذكر ان أصغر وحده بياان وهي الحين يمكن بالـ 20 ان ماخاب ظني !!
وقــف وليــد عند حمد ومشاري وسطام وعــمه .,. يناظر للمكان الي يأشر عليه حمد ..
وليد يبتسم / متأكد ياحمد انه المكاان نفسه .. ماشاء الله الحديقه أكبــر بكثير من يوم أروح للخارج ..
بو حمد / ههههههه ايه دخلنا عليها أرضنا الي كانت فااضيه علشان نقدر نزرع كل شيء .. خابر مرت عمك تحب الزرااعه في البيــت ..
سطام / ايه والله مره اقترحت على أبوي نسكن بمزرعتنا ونخـلي البيت نزوره ايام العطل
وليــد / أجل انقلبت الأدوار
الكل / هههههههههههههههه
مشاري / يالله أجل وليــد خذ لك شيء من أغرااض الزراعه وأحفر هالمكاان وتشووف الصندووق الي دفنته انت وحمد من 15 سنه
بو حمد / مشاء الله تدفنون من ورانا وتوكم تقولون لنا .؟
وليـد / ههههههههه ياعمي كان عمرنا وقتها 14 سنــه وحبينا نسوي مغامره ..
حمد يهز حواجبـه / بس كانت فكرتك ياعبقرينوو صح ..
وليد / ههههههههههه للحين تذكر لقبي ..
حمد / وأحـــد ينســـــاه ..؟؟؟!
\
اليــوم الي بعده الساعه 5 المســاء /
مـاتبي تفكــر بالي صاار أمــس .. يوم قالت لضــي قامت تضحـك عليها ولاأهتمت .. قالت لها انه ولد عمها " وليـــد " وهالمواقف تصير لكل النــاس ,.؟
بس هي أول مره تصيــر لها .. يااااربِ فشيــله وش بيقول عنها ؟؟ اكيد بيقول انها متعمده ..
رجعت دموعها تتجمع بعيونها .. ياليتني اقدر اقول لسااره بس أعرفها بدال ماتهديني بتعصب علي لأني شفت حبيب القلب ..!!
تسندت على مخدتها .. وهي تفكــر بملامح وجهه .. كل الي لمحته انه طويـل وأبيـض وعيونه كباار .. وحواجبه مرفوعيــن بغرور وتهكم ..
باقي ملامحه ماقدرت تشوفهم لأنها على طووول دخلت الصاله .. لكن هو أكيــد شبع منها .. شكله من زماان جالس يناظر فيها ..
اوووووووف وانا وش ذنبــي ؟؟ هذا بيتنا وشيء طبيعي اروح لأي مكان فيه .. بدون ما أستأذن من أحد او اشوف اذا كان فيه أحد ؟؟
خلااص ماأبي افكر زيااده طول أمس جالسه أفكر .. لاازم اليوم أروح السووق أشتري ملاابس للعزومه وللعطله بنفس الوقت .. لازم أجدد
قامت من على السرير وطلعت من غرفتها وتوجهت غرفة جدتها .. من زمااااااان ماسولفت معها ..!!
دقت الباب وسمعت جدتها تقول لها تدخل ..
دخلت وسكرت الباب وراها .. وبسررعه جنونيه رمت نفسها بحضن جدتها الي جالسه على السرير تقرا قراان ..
ضمتها جدتها بيدها وحبت القراان الي كان بيدها اليمين وحطته ورجعت تضم بياان وهي تبتسم لها / أخباار دلوعتي اليوم
بيان بدلع / مشتااااااااااقه لك مووووووووووت مامي ..
ام محمد / يابعد عمري انتي .. ياجعلي اشووفك عرووس قولي آآمين
كشرت بياان .. وش جااب طاري العرس ؟؟
بيان رجعت لدلعها / ماااااااامي وش عرووسه ؟؟ توني صغيرونه بالعاايله بناات أكبر مني يصلحون للزواج ..
قرصت ام محمد خدها بشوي شوي / لا ابيــك انتي تتزوجي قبل ابي افـرح فيــك مو ضاامنه الحيااه يابنتي ..
بياان بخوف / اسم الله عليك يمه .. ان شاء الله يومي قبل يومك
ام محمد ضمتها أكثـر / هههههههههه بسم الله .. توك شباب انا كبرت وانا أمك .. ماللعمر مامضى .. وكل شيء من قضااء الله وقدره
بياان ابتعدت عن جدتها وجلست قبالها / ليه تقولين هالكلام يمه ..؟ توك ماكبرتي ومثل ماقلتي قضااء الله وقدره يعني مايهم العمر ..؟
ام محمد تهز راسها وتبسم / أكيد وانا امــك مايهم العمر .. بس مايمنع اني افرح فيك عروس صح ؟؟
بيان رجعت لمرحها / خلااص ولايهمك اكلم ابوي يخطب لي اليوم ههههههه
ام محمد / ههههههههههههههههه يالشيطونه تتطنـزي ..؟
\
مندمجه في برناامج بأم بي سي .. أسمه الملائكه الصغاار .. ماحســت بالي جالسه تناظرها من وراها ..
سمعت باب الصاله يفتح ويدخل فيــصل .. بس تعجبت يوم شافته تسمر بمكانه وينااظر وراها بأستغرااب ..!!
لفت تناظر وراها وشهقــت من الصدمه .. وقفــت بسرعه وهي تشووف مرام ماسكه شعرها على شكل ذيل حصاان .. ولابسه تنوره سوداا وبلوزه نص كم خضرااء .. كانت أبتسامتها أكثــر شيء جذبها .. مو مصــدقه هي بحلم ولا بعلــم ..!!
فيصــل هو الي تحرك وسكر باب الصاله ومشى بخطوات سريعه لمرام .. ومن غير أي كلمه ضمها بقوه لصدره ..
ماتحملت ساره هالمشهد .. وعلى طول بكت .. الدمووع هالأيام قريبه من عيونها بشكل غريــب .. وكأنها تبي تتعود على ذرف الدموع داايم ..
راحت جنب فيصل ومراام ..
وشافت دمعتين بعيون فيصل سالو على خده ..
بعـد فيصل مرام عنه شوي وبصووت كله حنان / ماتتصوري كيــف فرحتي بهاللحظه يوم شفــتك حسيــت كل الدنيا أبتسمت لي ..
مرام بصوت ناعم وسط دموعها / ياعمـري ياخوي والله مشتااقه لكم بشكل ماتتصوروه سامحوني .. الله يخليكم سامحوني عذبتكم معاااي ..
ماحتملت ساره كلامها وخذتها وضمتها بقوووه ..
ساره / انتــي سامحينا يامرام كل الي صاار لك بسببنا حنا ماقدرنا نسوي شيء ..
مرام تضم ساره بقوه أكثــر / لاتقولي كذا ساره .. الله يخليك لاتقول كذا .. خلااص قررت انسى .. كلماتك نبهتني ان الي جالسه اسويه أكبــر غلط بحياااتي .. لازم ما أجزع من رحمة الله .. لازم اعيـش حياتي وأحترم الي يحبوني ..
فيصل ماقدر يحتمل هالموقف / خلاااص ترى الحين انا الي بطيح وبصيح عليكم
ساره ومرام يمسحوا دموعهم وهم يبعدوا عن بعض / هههههههههههههه
ساره / أجل خلااص فيــصل الحيــن برووح عزوومة عمي وأنا كل سعادة الدنيا بقلبي .. لأن أختي بتروح معي
أبتسمت مرام / تقصدين رجعة ولد عمي وليـد ؟؟
فيصل رجع لطبع المزح فيـه / اوووووووف اثـرك جالسه تتسمعين علينا طول هالأيام ؟؟
مرام أبتسمت / هههههه لا بس صووتكم وااضح لدرجه أعرف كل الي صاار بهالثلاث شهور ..
نزلت ساره راسها يوم تذكرت ان مرام مسكره على نفسها ثلاث شهور .. أنتبهت لها مرام ..
مرام / ساره انا قلت بنسى .. بس بشــرط تنسون ..!!!!!
فيصل قرص سااره بقووه وهو يمزح / بـــس خلااص ماصدقنا على الله صاحبة السمو ترهف على حالنا .. ترجعين تذكرينها ..
ساره تمسح على مكان قرصته / آآآي ماذكرتها ياأخي أعبر عن شعوري
فيصل / تكفيييييييين ..
بهاللحظه دخلت أم متعب .. لفوا كلهم يناظرونها مبسوطيـن ..
ساره تكلمت بحمااس / يمـــــه وش رايك بالمفاجأه ؟؟
أبتسم فيصل وهو يناظر مرام تتقدم من أمها وبعيونها دمووع ..
مرام / يمــه أشتقت لك .. سامحيني يايمه ..
ناظرتها أم متعب بنظراات غريبــه / أسامحك ؟؟ ليــه وانتي وش سويتي ؟؟ بس فشلتينا بالنااس الي قاموا يودون ويجيبون بالكلام .. وفشلتينا بأهله ..!! وخليتي حيااة أخوانك عذااب وهم يفكروون فيــك .. جحدتي كل شيء سويناه لك .. وماهمك الا نفسـك ..!!
مرام ماقدرت تستحمل أنهارت وكانت بتطيح لو أن فيصل ما جاها يركض ومسكها وناظر أمه بعصبيه / يمه الله يهديك هذا وقتـه ؟؟ البنت تو ربي هاديها وعرفت انها غلطانه وان كل شيء صاار قضااء وقـدر وبدال ماتضمينها تعاتبينها ؟؟
ساره مسكت مرام / مرام قومي غرفتي ..
ام متعب / أضمها ؟؟ حنا ماعندنا دلع لبناات كباار .. الي قدها روابي وحلاا متزوجين ومستقرين وهي ...
ماقدرت تكمل لأن بو متعب دخل بهالوقت وهو ينااظر بمرام بأستغرااب ..
مرام عايشــه بعذااب بداخلها .. حتى يوم حاولــت تنبسط شوي وتنسى ماقدرت الدنيا حالفه ماتضحك لها من هي صغيــره ..
بو متعب / مرام ؟؟
ماردت عليه مرام .. كل الي سوته فكت نفسها من فيصل وساره وراحت تركض .. ترجع لغرفتها .. لسجنــها .. للي يقدرها ويعرف مقداار حزنها ..!!
\
رجعت غرفتها وهي تناظر السااعه .. يوووه الحيــن الفلم ابتدأ .. فلــم رعب تنتظره من ذااك الأسبــوع ..
قفلت الباب وراها وراحت تركض تشغل التلفزيون وحطته على mbc2 الحمدلله تو الفلم الي قبله ينتهي ..
أبتسمت يكفيها تجهز جوو الرعب .. توجهت لثلاجتها الي بغرفتها .. ممممم مافيه مويــه نسيــت لأجيب امس .. خذت بيبسي .. وجالكسي ومارس وتويكس وكل انواع الشوكليت الي تعشقه الموجود بالثلاجه ..
بعدها راحت لدولاب أفتحته وطلعت بطاطسات ليز وبرينجز وحلويات ..وحطتهم كلهم على السرير ..
خذت جوالها وحطته على الصامت .. بعدها تأكدت ان الغرفه مقفلــه .. وسكــرت اللمبات .. وااااااااو جو ولاأحلى ..
انسدحت على بطنها تناظر الفلم الي بدأ من اول مانسدحت وكأنه ينتظرها .. وفتحت البيبسي وحطته على عمود السرير .. وبدأت تفتح البطاطسات ..

\
طلع من المصــعد يصفــر .. ويناظر جواله .. اليــوم شبك بنتيــن مع بعــض ..
أحلــى شيء الثقــه بالنفس لاصرت واثقـ الكل يبيك .. أبتسم لنفسه بأنتصاار ..
وتوه بيدخل المفتااح بباب غرفته الا سمع أصواات عاليه جايه من غرفة بياان ..
توجه لها .. وهو يناظر ساعته .. الحيـن اكيد بدأ فلم الرعب الي غاثـتنا عليه من أيام الأختبارات ..
حط أذنه بالباب وهو يبتسم على خباال أخته .. وعشقها لأفلام الرعب .. يحس ان البيـت بدونها ولاشيء .. يمكن لأنها الصغيره ..
أو لأن طبعها حلوو .. هباال على حيااء على حنان على شقااوه .. أبتسم وهو يفكر .. وعلى طفوووله ..
دق الباب بالقوه علشان تسمع .. جاه صوتها الطفولي يدل على التمرد / ميــــن ماأبي ازعااج بلييز ..
رد عليها بصووت عالي علشان تسمع / هذا أنا .. مو متصله علي وقايله لي تبين تروحين السوق اليوم مع بنات عمك .. وتبيني أوديك علشان تكشخين فيني ..
بيان بملل / مشاري مررره أنت واثــق .. مو علشاان أكشخ فيك بس لاازم معنا رجاال نخااف لحالنا الكل يقول مشغوول .. الساعه 9 لما ينتهي الفلم بتشوفني واقفه عند باب سيارتك ..
أبتسم بأستهزاء / ان شاء الله عمـتي الساعه 9 بتشوفيني بالسياره .. يالله سلاام ..
راح لغرفته وفتحها ودخل وقفل الباب وراه ..رمى غترته بفوضويه على السرير .. مو مرتـب مثل حمد وسطاام هو عكسهم بكل شيء ..
هم كل همهم الشغل ويميزهم هدوئهم .. هو كل همه البنات .. ويميزه رجته .. آآه يمكن لأني آخر ولد .. رجع يبتسم لنفسـه ..
طلع من ثوبــه ورقـه .. ناظر فيها بمكـر .. طـيب .. طيــب اصبري علي ان ماشبكتك ماأكون أنا مشااري ولد أبوي ..
ماعندي شيء أسمــه تحدي انا ..!!
رمى الورقـه على السرير وراح يغير ثوبــه يلبس بدلــه وحاط في باله ان يسوي شيء .. وماراح يتراجع عنـه ..
\
\
نهــاية الجزء الرابــع ..
\
فيــصل الي قـال ان الدنيــا كلها أبتسمت له يوم شـاف مرام ..!! مايدري ان الدنيــا بتبدأ لعبتها على العايـله ..
أحــداث بدأت بالظهووور .. وان شاء الله بتبدأ بالوضوح بالأجزاء الجايــه ..

في أنتظار ردودكم أن شاء الله راح أنزل كل يوم جزئين
دمتم سالمين

وينكم ماشوف ردود ماعجبتكم القصه

والله ما قرييتها بس بقراها و ارد عليك ..

والله تعبتني نفسك يا عسسسسسسسل ..

تسلمي..

مشكورة أشنكوته على مرورك واتمناءتعحبك القصه فنتظار ردك بعدقرائتها لكي أكمل الباقي